विद्यालय बन्द गरेर यार्सा टिप्न लेकतिर

सुन्दरसिंह धामी, दार्चुला, जेठ १ ।  दार्चुलाका ३० भन्दा बढी विद्यालय ३ महिनाका लागि बन्द गरिएका छन् । उच्च हिमाली भेगमा पर्ने सम्पूर्ण विद्यालयका शिक्षक, विद्यार्थी यार्सा टिप्न लेकतिर लागेपछि असारसम्मका लागि विद्यालय बन्द गरिएका हुन । जिल्लाको उत्तरी भेगमा पर्ने व्यास, छाङरु, राप्ला, घुसा, खण्डेश्वरी, लगायतका सबै ठाउँका विद्यालयहरु बन्द भएका छन् । चैतको अन्तिम साता वार्षिक परीक्षा सकिएदेखि नै विद्यालय बन्द भएको छाङरुका स्थानीयको भनाइ छ । 
   दार्चुलामा बसोबास गर्ने व्यासी सौका समुदायको मुख्य आम्दानीको स्रोत नै यार्सा भएकाले उनीहरु चैतको अन्तिम सातादेखि आवश्यक सामान बोकेर लेकतिर लागेका हुन । 
    यस क्षेत्रका बासिन्दाको आय स्रोतको प्रमुख माध्यम यार्सा गुम्बा रहेकाले पनि यो मौसममा ९÷१० वर्षका बालकदेखि ६५ वर्षका बृद्धसम्म यार्सा टिप्न लेकतिर गएका छन् । बृद्ध बृद्धाले भन्दा पनि स–साना नानी बाबुहरुले यार्सा बढी पाउने भएकाले् उनीहरुलाई विद्यालय जान बञ्चित गराएर लेकतिर लग्ने गरेको पाईन्छ । 
विद्यार्थीका आमा बुवा विद्यालयमै आएर ३ महिनाका लागि बिदा मागेर जान्छन्  । शिक्षकले बिदा दिएन भने रिसाएर भए पनि बालबालिकाहरु लग्ने गरेको श्री सिद्ध मावि सिनाका शिक्षक पदमराज भट्टले बताए । नले दुर्गम हिमाली क्षेत्रका विद्यालय वैशाखदेखि असारसम्मका लागि यार्सा समय र हिँउदमा मंसिर देखि पुससम्म जाडोका कारण विद्यालय बन्द हुने गरेका छन् । यसै गरी दसैँ तिहार र अन्य बिदामा समेत विद्यालय बन्द हुने भएकाले यी ठाउँहरुमा शिक्षाको गुणस्तर निकै न्यून रहेको भट्टले बताए । महाकाली नदीको किनारदेखि झण्डै ८ हजार मिटर भन्दा माथि उचाईमा पाईने यार्सा गुम्बा टिप्न अहिले दार्चुला जिल्लामा बाजुरा, बैतडी, डोटी, कञ्चनपुर र अछामबाट मानिसहरु आउने क्रम जारी रहेको अपी नाम्पा व्यवस्थापन समितिका अध्यक्ष चक्रसिंह ह्याकीले बताए । 

 

प्रतिकृया दिनुहोस
SITENAME

बजेटको नीति, उद्देश्य, प्राथमिकता र सिद्धान्त पारित

पश्चिम टुडे, धनगढी ७ जेठ ।  प्रदेश नम्बर ७ सरकारले आगामी वर्षका लागि ल्याउन लागेको बजेटको नीति, उद्देश्य, सिद्धान्त र प्राथमिकता सम्बन्धी प्रस्ताव

नीति तथा कार्यक्रम सोमबार अपराह्न

काठमाडौँ, ६ जेठ (रासस) : सरकारले आगामी आर्थिक २०७५/७६ को नीति तथा कार्यक्रम सोमबार अपराह्न संघीय संसद्मा प्रस्तुत गर्दैछ । राष्ट्रपति विद्यादेवी

SITENAME

फेरीदै मुक्त कमैयाको दैनिकी

पश्चिम टुडे, धनगढी, ५ जेठ । कञ्चनपुरको कृष्णपुर नगरपालिका–१ वनहरा मुक्त कमैया शिविरका विमल रानाको दैनिकी अचेल पूर्व–पश्चिम राजमार्गको वनहरा पुल