कम्युनिष्ट पार्टी कहिल्यै नफुट्ने गरी एकता हुने : प्रधानमन्त्री

SITENAME

काठमाडौँ, ३ जेठ (रासस) :  प्रधानमन्त्री केपी शर्मा ओलीले नेपालमा कम्युनिष्ट पार्टी अब कहिल्यै नफुट्ने गरी आज नेकपा ९एमाले० र नेकपा ९माओवादी केन्द्र०बीच पार्टी एकता हुन लागेको बताउनुभएको छ । मदन भण्डारी र जीवराज आश्रितको २५औँ स्मृति दिवसका अवसरमा आज मदननगर बल्खुमा एमालेद्वारा आयोजित कार्यक्रममा उहाँले विगतमा कम्युनिष्ट कहिले फुट्ने र कहिले जुट्ने गरेको उल्लेख गर्दै अब दुई पार्टी कहिल्यै नफुट्ने गरी पार्टी एकीकरण गर्न लागेको बताउनुभयो । 

“एकतापछि बन्ने एकीकृत कम्युनिष्ट पार्टीले मुलुकलाई नयाँ उचाइमा पु¥याउने छ”, प्रधानमन्त्री ओलीले भन्नुभयो, “दुई पार्टीबीचको एकताले नेपालको राजनीतिक, सामाजिक, नेपालको वर्तमान र भविष्य, नेपालको अर्थतन्त्र र सांस्कृतिक उचाइलाई अनेक कोणले प्रभावित पार्दै असाधारण र दूरगामी महत्व राख्ने छ ।” उहाँले मदन भण्डारी र जीवराज आश्रितको योगदानको कदर गर्दै उहाँहरुको स्मृति दिवसको अवसर पारेर पार्टी एकता गर्न लागेको बताउनुभयो । एकतामार्फत नै मदन भण्डारीले सोचेको सुखी नेपाली र स्वाभिमान नेपालीको सपना साकार पार्ने उहाँको भनाइ रहेको थियो ।  उहाँले दुवै पार्टीले नै एकताको निर्णय गरिसकेको भन्दै एकता संयोजन समितिको बैठकले अनुमोदन गरी दुवै पार्टीको संयुक्त केन्द्रीय कमिटी बैठकले एकताको निर्णय गरिसकेपछि निर्वाचन आयोगमा आजै नयाँ दल दर्ता गरिनेसमेत बताउनुभयो । 

प्रधानमन्त्री ओलीले नेपाली काँग्रेसलाई प्रतिष्पर्धी नभई सहयोगीका रुपमा लिएर जाने बताउनुभयो ।  “हामी सबै मिलेर देश बनाउने हो”, उहाँले भन्नुभयो, “त्यसैले हामी काँग्रेसलाई पनि साथमा लिएर चल्दछौँ ।” कार्यक्रममा माओवादी केन्द्रका अध्यक्ष पुष्पकमल दाहालले मदन भण्डारी र जीवराज आश्रित अवसान भएको दिन ऐतिहासिक भएकाले पार्टी एकता गर्न थालेको बताउनुभयो । पूर्व प्रधानमन्त्री दाहालले उहाँहरुको स्मृतिको दिनमा मुलुकलाई ऐतिहासिक मोडमा पु¥याउनका लागि आफूले नै एकताको प्रस्ताव गरेको समेत उल्लेख गर्नुभयो । 

“अब पार्टी एकता गर्नका लागि ढिला गर्दै मदन–जीवराजको अवसान भएको दिन पार्टी एकता गर्नुपर्छ भनेर मैले नै भनेको हुँ ।” उहाँले भन्नुभयो, “आजको दिन पार्टी एकता गरेर मदन–जीवराज प्रति सम्मान गर्न थालेका हौँ ।” उहाँले मदन भण्डारीको स्मृति दिवसको अवसरमा पार्टी एकता गर्न थालेकामा गर्व भएको बताउनुभयो । सोही अवसरमा प्रधानमन्त्री ओली, माओवादी केन्द्रका अध्यक्ष दाहाल, एमालेका वरिष्ठ नेता तथा पूर्व प्रधानमन्त्री माधवकुमार नेपाल, रक्षामन्त्री ईश्वर पोखरेल, गृहमन्त्री रामबहादुर थापालगायतले स्व मदन भण्डारी र जीवराज आश्रितको तस्वीरमा माल्यापर्ण गर्नुभएको थियो । 

तत्कालीन एमाले महासचिव मदन भण्डारी र संगठन विभाग प्रमुख जीवराज आश्रितको २०५० जेठ ३ गते चितवनको दासढुंगामा जिप दुर्घटनामा निधन भएको थियो । 
 

प्रतिकृया दिनुहोस
SITENAME

‘संविधान कार्यान्वयन मुख्य दायित्व’

धनगढी, ४ असोज । प्रदेश नं ७ का मुख्यमन्त्री त्रिलोचन भट्टले संविधानको कार्यान्वय गर्नु वर्तमान सरकारको मुख्य दायित्व भएको बताएका छन् । संविधान दिवस

SITENAME

कालो दिन भन्दै विरोध

धनगढी, ४ असोज । मुलुकमा नयाँ संविधान जारी भएको अवसरमा सबैतिर हर्षका साथ संविधान दिवस मनाइँदा थरुहट÷थारुवान संयुक्त सङ्घर्ष समिति कैलालीले कालो दिन

SITENAME

संविधानको पूर्ण कार्यान्वयनमा जोड (फोटो फिचर सहित)

धनगढी, ३ असोज । मुलुकको नयाँ संविधानप्रति अझै पनि असन्तुष्टी देखिएकाले असन्तुष्ट पक्षको माग सम्बोधन गर्दै यो संविधानलाई पूर्ण रुपमा कार्यान्वयन