नेकपाको प्रदेश इन्चार्जमा कसको सम्भावना ?

SITENAME

पश्चिम टुडे, धनगढी ६ जेठ । नेकपा (एमाले) र नेकपा माओवादी केन्द्रबीच पार्टी एकीकरण भइ बनेको नेपाल कम्युनिष्ट पार्टीको प्रदेश नम्बर सातमा ईञ्चार्ज को हुने बहस शुरु भएको छ ।प्रदेश नम्बर सातको ईञ्चार्ज कसलाई बनाउनुपर्छ भन्ने विषयलाई लिएर दुईटै नेताका पक्षधर कार्यकर्ता र शुभेच्छुकहरुको बिबाद सतहमा देखिएको छ । बहसमा दुबै नेताका निकटस्थ नेता, कार्यकर्ता र शुभेच्छुकहरु पनि बाडिएका छन् । खासगरी माओवादी पृष्ठभूमिका नेता, कार्यकर्ता,जिल्लागत भावनात्मक सम्बन्ध भएकाहरु भट्टका पक्षमा उभिएका छन् भने एमाले पृष्ठभूमिका नेता, कार्यकर्ता,जिल्लागत भावनात्मक सम्बन्ध भएकाहरु भने रावलको पक्षमा देखिएका छन् ।पक्ष बिपक्ष उभिनेमा नेता,कार्यकर्ता र शुभेच्छुकहरु मात्र नभएर पत्रकारहरु समेत देखिएका छन् ।
केही पत्रकारहरुले खुलेर भट्टको समर्थन गरेका छन् भने केही पत्रकारले खुलेरै रावललाई ईञ्चार्ज बनाउनुपर्ने भन्दै सामाजिक सञ्जाल मार्फत लविङ गरिरहेका छन् ।यसरी पक्ष विपक्षमा लेख्ने पत्रकारहरुमा बिगतमा एमाले र माओवादीसंग निकट रहेकाहरु मात्र नभएर गैर एमाले र गैर माओवादी पत्रकार समेत रहेका छन् । पत्रकार शिवराज भट्ट, दिल बहादुर छत्यालले सामाजिक सञ्जालमा भट्टलाई ईञ्चार्ज बनाउने कारण सहित लविङ गरेका छन्,भट्ट र छत्याल लेख्छन्,— भीम रावलको प्राथमिकतामा जहिले नि अछामका रावल, कुवँर र साउद परे । उनी क्षेत्रियतामा कट्टर देखिए विगतमा । त्यसैले एकिकृत पार्टीको कमाण्डर लेखराज भट्ट हुनुपर्छ । मेरो ब्यक्तिगत बिचार । रावलले एक पटक कैलालीका ६ निर्वाचन क्षेत्रमा ५ वटामा अछामका अध्यक्ष बनाए । अहिले नि उनको अछामवाद हावी छ ।
सामाजिक जीवनमा लागेका यस्ता मानिसलाई तपाइले जन्मेको जिल्लाको यसरी बिल्ला भिराउनु अशोभनिय मात्रै होइन निन्दनिय छ, रावलमाथि लगाएको आरोपमाथि आक्रोश सहित पत्रकार मातृका तिमिल्सेनाले प्रतिवादमा यस्तो लेखेका छन् । कतिपयले भट्टको खुलेर बिरोध गरेका छन् । भट्टपनि जात र भूगोलका आधारमा राजनीति गर्ने नेताका रुपमा उल्लेख गरेका छन् । पत्रकार डीआर पन्तले लेखराज भट्ट सात नम्बर प्रदेशको ईञ्चार्ज हुन उपर्युक्त रहेको जिकिर गरेका छन् । अनुशासनका नाममा जस्तोसुकै ज्यादती हुदा पनि मौनता साँधेर बस्ने कम्युनिष्ट पार्टीका कार्यकर्ताहरुको आफ्नै नेता प्रतिको तिखो टिप्पणी, बिरोध र आलोचना यो पटक सामाजिक सञ्जालमा पोखिएको छ ।
भीम रावल र लेखराज भट्ट दुबै जनालाई भेग, भूगोल र जातका आधारमा राजनीति गर्ने गरेको आरोप पहिलेदेखि नै लाग्दै आएको छ । रावलले नेकपा एमालेलाई अछामवादी बनाएको आरोप त्यही पार्टीभित्रका अन्य नेताहरुले लगाउदै आएका छन् । उनको बिरोधमा बोल्ने वा असहमती जनाउने कोही नेता पनि उठ्न सकेको छैन । 
उनले आफूभन्दा माथि पनि कसैलाई जान दिदैनन । आफ्नो जिल्लाको बाहेक अरुलाई अवसर र पद पनि दिदैनन, एमालेका एक नेता भन्छन्, भानुभक्त जैसी, महेश्वर पाठक, तारा लामा, कृष्ण प्रसाद जैसी, उर्वादत्त पन्त लगायतका नेताहरु रावलका पक्षमा नभएकै कारण पाखा लगाईएका हुन् । उता भट्टले उठ्नै नदिएका नेताहरु पनि माओवादी केन्द्रमा थुपै्र छन् । उनले पनि डोटी, भट्ट, गडेसरीहरुलाई बढि महत्व दिने गरेको आरोप छ । त्यही कारण पनि उनले त्रिलोचन भट्टलाई मुख्यमन्त्री बनाएका हुन् ।
अझ पछिल्लो अत्तरीयाभन्दा माथि उठ्न नसकेको उनीमाथि आरोप छ । उनले अत्तरीयालाई प्रदेश बनाउन खोजे । भौतिक पूर्बाधारका कारण त्यो प्रयास सफल भएन । मुख्यमन्त्रीको आवास अत्तरीया बनाउन खोजे । सुरक्षा चुनौती र चर्को दवावपछि उनी त्यहाँ पनि ब्याक भए । अहिले जंगल फाडेर अत्तरीया छेउछाउमै स्थायी राजधानी बनाउनका लागि कोशिस गरिरहेको उनीमाथि आरोप छ । प्रदेश नम्बर सातका नेता भएपनि घुमिफिरी अत्तरीयामा केन्द्रित हुने गरेको उनीमाथि प्रतिपक्षी र उनकै पार्टीका नेताहरुले आरोप लगाउने गरेका छन् ।
बीरमान चौधरीलाई मुख्यमन्त्री बन्नबाट रोक्न दुबै नेताहरु सहमत भएपनि मुख्यमन्त्री कसलाई बनाउने भन्नेमा दुबै नेताबीच सहमती हुन सकेन । रावलको रोजाईमा अछामबाट जितको माअ‍ोवादी सांसद झपट बोहरा थिए । यद्दपि भट्टले डोटीबाट निर्बाचित त्रिलोचन भट्टलाई मुख्यमन्त्री बनाए । दुबै जनाको रोजाईमा भने आफ्नै जिल्लाका नेता थिए ।  एउटा नेता अछामभन्दा माथि उठ्न नसक्ने अर्को नेता डोटीभन्दा माथि उठ्न नसक्ने आरोप छ । रावल एमालेभित्र माधव नेपाल पक्षधर नेताका रुपमा चिनिन्छन् । यद्दपि उनले पछिल्लो समय पार्टी अध्यक्ष केपी ओलीसंग पनि सन्तुलित सम्बन्ध कायम राखेका छन् ।
प्रदेश नम्बर सातमा उनले माधव नेपाल पक्षधर नेतालाई मात्र सहयोग गरेका छन्, ओली पक्षधर एक नेताको आरोपछ, हुदाहुदा टिकट वितरणमा पनि उनले पेलेर निर्णय गरे । नेपाल पक्षकालाई टिकट वितरण गरे । भट्ट र रावल एकीकृत पार्टीको हाईकमाण्डमा परेनन । उपमहासचिव बिष्णु पौडेललाई महासचिव बनाईदा एमालेका उपाध्यक्ष रहेका रावल कही कतै गणनामा परेनन ।
माओवादीको चर्को बिरोधी रहेका रावल पार्टी एकीकरणको बिरोधमा थिए । र उनी केपी ओली पक्षधर पनि होईनन । माओवादी केन्द्रका नेता भट्ट भने एकीकृत पार्टीका अध्यक्ष पुष्पकमल दाहाल प्रचण्डका निकट छन् । र उनी एकताको पक्षमा थिए । प्रदेश नम्बर सातमा प्रचण्डका अत्यन्त विश्वास पात्र रहेकोले प्रचण्डको प्राथमिकतामा भट्ट पर्ने माओवादीका केन्द्रका नेताहरु बताउँछन् । भट्टलाई ईञ्चार्ज हुन नदिन रोक्न खोज्ने माओवादी केन्द्रको प्रदेश नम्बर सातका केही नेताको क्षमता त्यतिधेरै पनि छैन, कि उनीहरुले रोक्न सकुन । यद्दपि पार्टीभित्र उनको पेलाईमा परेका नेताहरुको फेहरिस्त ठूलो नभएको होईन । नेता रावलको बिरोधमा भने प्रदेश नम्बर सातमै एमालेका थुपै्र नेताहरु छन् ।  रावलद्धारा पाखा लगाईएका, पेलिएकाहरु संगठित हुदै उनलाई ईञ्चार्ज बन्न नदिने कोशिसमा लागिरहेका छन् ।  माओवादी भित्र रहेका भट्टका बिरोधी बलिया छैनन । तर एमालेभित्र रहेका रावलका बिरोधी बलिया छन्, एमालेका एक नेताले भने, यसकारण पनि रावललाई ईञ्चार्ज हुन त्यति सजिलो छैन । जति भट्टलाई सजिलो छ ।
प्रदेशमा जसको जति बिरोध भएपनि, जसको समर्थन जति भएपनि ईञ्चार्ज कसलाई बनाउने त्यसको अधिकार नेतृत्वमा रहेको छ, एक नेता भन्छन्, अध्यक्षद्धय ओली र दाहालको आशिर्वाद जसमाथि भयो, त्यही ईञ्चार्ज हुनेछन् ।

 

प्रतिकृया दिनुहोस
SITENAME

लोकतन्त्र प्रति नेकपाको चासो छैन ः  पण्डित 

प्रेम रौले  बाजुरा ३१ भदौ  नेपाली काँग्रेस जिल्ला कार्य समिति सदस्य पुर्व पाटी सचिव तथा संगठन विभाग प्रमुख धनराज पण्डितले अहिलेको नेकपाको

SITENAME

जेलमा रहेका चौधरी थाकस सभापतिमा सर्वसम्मत

धनगढी, ३० भदौ । थारु कल्याणकारिणी सभा (थाकस) कैलालीको सभापतिमा पुनः लाहुराम चौधरी सर्वसम्मतले चयन भएका छन् ।      धनगढीमा भएको आठौं अधिवेशनले

SITENAME

किन राजिनामा गरे केसीले ?

धनगढी,२६ भदौ । कञ्चनपुरमा १३ वर्षीया बालिका निर्मला पन्तको हत्याको घट्नाको छानबनका लागि सरकारबाठ गठित उच्चस्तरीय छानबिन समितिका सदस्य बिरेन्द्र