धनगढी, १७ असार । धनगढीमा शनिवार ‘ट्वेल्भ अ रिमाइन्डर’ नामक लघु चलचित्रको विशेष च्यारिटी शो सम्पन्न भएको छ ।

                ग्रीन ग्राफिक्स मल्टिमिडिया स्टुडियो अत्तरियाको आयोजना र सुदूरपश्चिम कला प्रतिष्ठानको सह आयोजनामा च्यारिटी शो गरिएको हो । दुव्र्यसन विरुद्ध चेतना फैलाउने विषयमा आधारित उक्त लघु चलचित्रमा मनिष गुरागाई, सीमा सिजापति, सुमी जैरु, सागर नेपाली, मिना सोव, लालबहादुर थापा लगायतका कलाकारले अभिनय गरेका छन् । चेतन बिसीको निर्देशन रहेको छ ।

                उक्त अवसरमा सन्ध्या जोशी, जमुना साउँदले गीत प्रस्तुत गर्नुका साथै कलाकारले नृत्य समेत देखाएका थिए ।