मुख्यमन्त्री र नगर प्रमुखबीच भेटवार्ता
धनगढी, १७ असार । प्रदेश नं ७ का मुख्यमन्त्री त्रिलोचन भट्ट र धनगढी उप–महानगरपालिका प्रमुख नृपबहादुर वडबीच शनिवार भेटवार्ता भएको छ ।
भेटमा धनगढी नगरको विकासका बारेमा छलफल गरिएको छ । धनगढी प्रदेश नं ७ को अस्थायी राजधानी समेत भएकाले यहाँको भौतिक विकास, फोहर व्यवस्थापन, स्वास्थ्य क्षेत्रको सुधारका साथै यहाँ कसरी लगानी भित्राउन सकिन्छ भन्ने विषयमा समेत छलफल भएको थियो । भेटघाटमा संयुक्त राष्ट्रसंघ वातावरण ईकाइका अनुसन्धानकर्ता डा. गणेश प्रशाद जोशी समेतको उपस्थिति रहेको थियो ।
विकासका लागि प्रदेशले नै साझा धारण बनाएर जानुपर्दछ मुख्य मन्त्री त्रिलोचन भट्टले भने,‘यस बिषयमा म गम्भीर छु । उनले धनगढी प्रदेश नं ७ को अस्थायी राजधानी समेत भएकाले जनघनत्व बढ्दै जाने मुख्य मन्त्री भट्टले बताए । उनले भने,‘यसका लागि पूर्वाधार बाटोघाटो पनि दिर्घकालिन लक्ष्य लिएर बनाउनु पर्छ । यहाँ विकास गर्न चाहनेहरुलाई निरुत्साहित गर्ने प्रबृती हाबी रहेको बताउँदै मुख्य मन्त्री भट्टले भने,‘आफूले सकारात्मक रुपमा काम गरे त्यस्तो आलोचक आफै हराएर जाने बताए ।
धनगढी उप–महानगरपालीकाका प्रमुख नृपबहादुर वडले नगरको विकासका लागि आफु लागि परेकाले त्यसमा प्रदेश सरकारको सकारात्मक सहयोगको अपेक्षा गरे । उनले केहि समय भित्रै यस प्रदेशका स्थानीयतहरुको विकासका लागि धनगढी उप–महानगरपालीकाले लगानी सम्मेलन गर्ने तयारी गरिरहेको बताए । संयुक्त राष्ट्रसंघ वातावरण ईकाइका अनुसन्धानकर्ता डा. गणेश प्रशाद जोशीले आफु यस क्षेत्रको ब्यक्ति भएकाले यहाँको समृद्धीका लागि आफु जस्तोसुकै समन्वय गर्न तयार रहेको बताए । छलफल मुख्य मन्त्री भट्टको निवासमा भएको थियो ।
तपाईको प्रतिक्रिया