धनगढी, १७ असोज । सुदूरपश्चिमका मुख्यमन्त्री त्रिलोचन भट्ट र नेपालका लागि अष्ट्रेलियन राजदूत पिटर बडबीच मंगलवार शिष्टाचार भेटघाट भएको छ ।

                मुख्यमन्त्री तथा मन्त्रिपरिषद्को कार्यालयमा मुख्यमन्त्री भट्ट र राजदूत बडबीच शिष्टाचार भेट भएको हो । भेटका क्रममा दुवैबीच दुई पक्षीय आपसी हितका बारेमा छलफल भएको मुख्यमन्त्रीको निजी सचिवालयले जानकारी दिएको छ ।

                भेटम मुख्यमन्त्री भट्ट र राजदूत बडबीच अष्ट्रेलियन सरकारले सुदूरपश्चिम प्रदृशमा सहयोग गर्दै आएको विभिन्न परियोजनाका बारेमा छलफल भएको थियो । यसैगरी, आगामी दिनमा पनि आपसी सहयोग निरन्तर जारी रहने उल्लेख समेत गरिएको मुख्यमन्त्रीको स्वकीय सचिवालयले जानकारी दिएको छ ।