भलिबल प्रतियोगिता सम्पन्न
धनगढी, २८ असोज । विजया दशमी २०७५ को अवसरमा धनगढी उपमहानगरपालिका वडा नम्बर १३ झलारी गाउँमा बिहीवारदेखि सुरु भएको वडास्तरीय भेट्रान पुरुष भलिबल प्रतियोगिताको शनिवार एक कार्यक्रमकाबीच समापन गरिएको छ । धनगढी उपमहनगरपालिका प्रमुख नृप वडले प्रतियोगिताको समापन गरेका हुन ।
प्रतियोगितामा वडा नं ८ पहिलो र वडा नं २ दोश्रो भएका छन् । राजपुरस्थित जनता राष्ट्रिय माध्यमिक विद्यालयको खेल मैदानमा सुरु भएको प्रतियोगितामा १९ वडाका १९ टिम र थप १ आयोजक वडा टिम र धनगढी उपमहानगरपालिकाको थप १ टिम गरी ११ टिमले सहभागिता जनाएका थिए ।
प्रतियोगितामा प्रथम हुने टिमले २५ हजार, द्वितीय हुनेले १५ हजार पुरस्कार प्रदान गरिएको थियो भने उत्कृष्ट खेलाडीले ५ हजार र उत्कृष्ट सटर, उत्कृष्ट डिफेन्सर, उत्कृष्ट रेजरलाई जनही २ हजारका दरले पुरस्कार प्राप्त गरेको वडा अध्यक्ष विजयराज जोशीले बताए । प्रतियोगितामा ३० वर्षभन्दामाथिका उमेर समूहका पुरुष खेलाडी सहभागी थिए ।
भलिबल प्रतियोगिताको समापन कार्यक्रममा बोल्दै नगरप्रमुख वडले राष्ट्रका लागि खेल, स्वास्थ्यका लागि खेल मात्रै नभएर समाजका लागि समेत खेलको महत्व रहेको बताए । उनले वडा स्तरमा हुने यस्ता खेललाई निरन्तरता दिने बताए ।
तपाईको प्रतिक्रिया