धनगढी, २९ असोज । कैलालीमा आउँदो मंसिर ७ गते विज्ञान प्रविधि, इञ्जिनीयरिङ्ग तथा गणितसम्बन्धी मेला हुने भएको छ ।

                एभरेष्ट एकेडेमी अत्तरिया र सहयोगी हातहरु धनगढीको संयुक्त आयोजनामा मेला हुने भएको हो । विद्यार्थीहरुमा विज्ञान तथा प्रविधिप्रतिको रुची बढाइ प्रविधिको विकासमा जोड दिने, दिगो विकासका लागि प्रविधिको महत्व र आवश्यकताबारे स्थानीय सरकारको ध्यानाकार्षंण गराउने उद्देश्यले मेलाको आयोजना गर्न लागिएको हो ।

                उक्त मेलामा धनगढी उपमहानगरपालिका, गोदावरी नगरपालिका र कञ्चनपुरको कृष्णपुर नगरपालिकाको गरी ४० वटा विद्यालयको सहभागिता रहने जनाइएको छ । मेलाबारे आइतवार अभिमूखिकरण समेत गरिएको छ ।

                मेलामा प्रथम, द्वितीय र तृतीय स्थान प्राप्त गर्ने विद्यालयलाई क्रमशः १० हजार, ७ हजार र ४ हजार रुपैया पुरस्कार प्रदान गर्ने आयोजकले जानकारी दिएको छ । यसैगरी, चौथोदेखि १० औं स्थान प्राप्त गर्ने विद्यालयलाई २÷२ हजार नगद पुरस्कार प्रदान गर्ने जनाइएको छ ।