अरिंगालको टोकाइबाट बालकको ज्यान गयो
सोमबार असोज २९, २०७५/ Monday 10-15-18
Paschim Today
बझाङ, २९ असोज । अरिंगालले टोक्दा बझाङमा तीन वर्षीय बालकका मृत्यु भयको छ ।
केदारस्यु गाउँपालिका वडा नम्बर २ कोटिगाँउ बस्ने रण बहादुर विष्टका तीन वर्षीय छोरा कुमारविष्टको मृत्यु भएको हो । अरिंगालको टोकाइबाट सोहि गाँउका अन्य ३ जना बालबालिका घाइते भएका छन् ।
घाइते हुनेमा ५ वर्षीय अमित विष्ट, ४ वर्षीय बालक भरत विष्ट र ७ वर्षीया रूपा विष्ट रहेको प्रहरीले जनाएको छ । घाइतेहरुको प्राथमिक स्वास्थ्य चौकी देउरामा उपचार भइरहेको छ । घर नजिकै रहेको टुडीको रूखमा अरिंगालको गोलो रहेको र बालबालिकाले खेल्ने क्रममा अरिंगालको गोलामा ढुङ्गा हानेपछि टोकेको प्रहरीले जनाएको छ ।
तपाईको प्रतिक्रिया