‘चाडपर्वले नेपालीहरु एकताको सूत्रमा’

SITENAME

धनगढी, १९ कात्तिक । 
पूर्व उपप्रधानमन्त्री एवम् नेकपाका सुदूरपश्चिम प्रदेश इन्चार्ज भीम रावलले नेपालमा मनाइने चाडपर्वले हरेक नेपालीलाई एकताको सूत्रमा बाँधेको बताएका छन् । 
    नेकपा निकटको नेपाल राष्ट्रिय शिक्षक संगठन कैलालीले दसैं, तिहार तथा छठ पर्वको अवसरमा आइतवार आयोजना गरेको शुभकामना आदानप्रदान तथा चियापान कार्यक्रममा उनले यस्तो बताए । नेता रावलले नेपाल सांस्कृतिक रुपमा सम्पन्न भएको देश रहेकाले सबैले यसमा गौरव गर्न सक्नु पर्ने उल्लेख गरे । 
    ‘हामी जहाँ बसे पनि, जुनसुकै भाषा बोले पनि एकताको सूत्रमा बाँधिएका छौं’, उनले भने–‘चाडपर्वले राष्ट्रिय परिवेशलाई बलियो बनाएको छ ।’ नेता रावलले देशलाई कमजोर बनाउने प्रवृति अहिले पनि रहि रहेको बताए । ‘मुलुक कमजोर भयो भने कसैको पनि समृद्धि हुँदैन’, उनले भने । 
    सम्पूर्ण नेपालीहरुलाई एकताको चाड मनाउन आग्रह गर्दै नेता रावलले एकतामा नै सबैको समृद्धि रहेको विश्वास व्यक्त गरे । अचेल चाडपर्वमा विकृति पनि देखा परिरहेको उल्लेख गर्दै उनले त्यस्ता विकृति हटाउन आवश्यक रहेको बताए । 
    एक छुट्टै प्रसङ्गमा नेता रावलले विदेशीलाई नागरिकता दिनका लागि संविधान संशोधनको कुनै औचित्य नरहेको बताए । उनले भने–‘हाम्रो संस्कृतिलाई बलियो बनाउँछ भने संशोधन गर्न सकिन्छ । तर, विदेशीलाई नागरिकता दिनका लागि संविधान संशोधन हुँदैन ।’ उनले संविधान संशोधन गर्न सकिने तर सवाल के, त्यो स्पष्ट हुन आवश्यक रहेको बताए । 
    ‘संविधान संशोधन गरेर जो–जो आउँछ, त्यसलाई नागरिकता दिने हो भने हाम्रो सांस्कृतिक पहिचान मासिन्छ’, रावलले अगाडि थपे–‘त्यसैले यस्तो संविधान संशोधन हुन सक्दैन । सबैले यसको विरोध गरौं ।’
    संविधान संशोधन के को लागि भन्ने सवालमा आफू नै अनविज्ञ रहेको उनके भनाइ थियो । नेता रावलले अगाडि थपे–‘मुलुक टुक्रयाउने एजेण्डा निर्वाचनबाटै अस्वीकृत भइ सक्यो । अब संविधान संशोधन केको लागि त्यौ मैले नै बुझेको छैन ।’ 
    मुलुकलाई फेरी पनि राजनीतिक अस्थिरतातिर कसैले धकेल्ने प्रयास गर्छ भने त्यो विकासको बाधक हुने उनको भनाइ थियो । मुलुकको केन्द्रदेखि प्रदेशमा नेकपाको बहुमतको सरकार रहेकाले जनताको भावना अनुसार काम गर्ने रावलले बताए । ‘प्रदेश नम्बर २ मा पनि हाम्रो पार्टी नै सबैभन्दा ठूलो छ’, उनले भने । 
    दुई ठूला पार्टी एक भएपछि कतिपय कुरा मिलाउन, कतिपय सच्याउनमा केहि समय लागेकाले सरकारबाट जनता अहिले नै निराश हुनु पर्ने अवस्था नरहेको रावलले बताए । चियापान कार्यक्रममा कविता वाचन गर्दै आफ्नो मन्तव्यको सुरुवात गरेका नेता रावलले निर्मला बलात्कार र हत्या काण्डको छानविनमा सरकार गम्भीर भएर लागेको बताए । 
    ‘नेपालमा यो नै एउटा पहिलो इतिहास हो, जसको अनुसन्धानका लागि सरकारको गृहमन्त्रालयले पटक–पटक छानविन समिति गठन गरेको छ । डीआइजीको नेतृत्वमा छानविन भएको छ’, उनले अगाडि थपे–‘तर, सरकारले केहि गरेन भन्नु र हाम्रो पार्टीमाथि आक्रमण गर्नु पटक्कै राम्रो होईन ।’
    निर्मला हत्या काण्डमा सरकारले गरिरहेको प्रयासलाईलाई ओझेलमा पार्ने प्रयास कसैबाट भइरहेको नेता रावलको दावी थियो । उनले भने–‘यहि घटनामा प्रहरी अधिकृत बरखास्त भएका छन् । धेरै मान्छेको डीएनए टेस्ट गरिएको छ । के यो सरकारले केहि गरेको होईन ?’ 
    अपराधि जस्तोसुकै शक्तिशाली भए पनि त्यसलाई कारबाही गर्ने सरकार र आफ्नो पार्टी नेकपाको दृढ धारणा रहेको रावलले बताए । यसैगरी, उनले नयाँ परिवर्तनलाई स्वीकार गर्न नसक्नेहरुले सुदूरपश्चिम प्रदेशको राजधानी गोदावरीमा बनाउने निर्णयको विरोध गरिरहेको बताए । 
    ‘केहि ठाउँमा बाघ आउने बाटो भएको भनेर समाचार पढेँ । कसै–कसैले पहिरो नै जान्छ भनेर हाँस्यस्पद् प्रचार गरेका रहेछन्’, उनले भने–‘राजधानी बनाउने ठाउँमा न बाघ आउँछ । न त बुट्यान बाहेक ठूला रुख नै छन् ।’ नेता रावलले कैलालीमा हजारौं बिघा जमिन अनाधिकृत रुपमा कब्जा भए पनि त्यसको विरोध कसैले नगरेको उल्लेख गरे । 
    सोही कार्यक्रममा सुदूरपश्चिम प्रदेशका सामाजिक विकासमन्त्री दीर्घ सोडारीले यो प्रदेशमा नेकपा पार्टी छिट्टै नै एकीकृत हुने बताए । यस्तै, उनले प्रदेशमा व्याप्त शिक्षकहरुको समस्या पनि समाधान गर्न आवश्यक रहेको उल्लेख गरे । 
    ‘हामीले अहिले पनि सामुदायिक विद्यालयको समस्याहरुलाई समाधान गर्न सकेका छैनौ’, मन्त्री सोडारीले भने–‘हाम्रो प्रदेशको शिक्षालाई कसरी व्यवस्थित गर्ने भन्ने सवालमा सबै सल्लाह अनुसार हामी अगाडि बढ्नेछौं ।’ 

 

प्रतिकृया दिनुहोस
SITENAME

सामाजिक बिकास मन्त्रि सुबेदी आफै बाटो मर्मत गर्न हिडेपछि (फोटोफिचार)

धनगढी, ३० कार्तिक । शुदुर पश्चिम प्रदेशका सामाजिक बिकास मन्त्रिको सक्रियतामा बास्कोटा अत्तरीया जोड्ने सडक मर्मत गरीएको छ ।  नब नियूक्त सामाजिक

SITENAME

नेकपाभित्र थप व्यक्ति कारबाहीको दायरामा

धनगढी, ३० कार्तिक। आचरण मूल्याङ्कनमा गम्भीर बनेको नेपाल कम्युनिष्ट पार्टी (नेकपा) सुदूरपश्चिम प्रदेश कमिटीले पार्टी आबद्ध थप व्यक्तिमाथि कारबाहीको

SITENAME

यसकारण सोडारीलाई बर्खास्त

धनगढी, २९ कार्तिक ।  सुदूरपश्चिम प्रदेशका सामाजिक विकासमन्त्री र पार्टीबाटसमेत निश्कासनमा परेका नेकपा नेता दीर्घ सोडारीलाई पार्टीको शीर्ष