जंगलीहात्तीको झुन्डले घर भत्कायो

SITENAME

कन्चनपुर, २३ कात्तिक । 
तिहारको दिनमै कन्चनपुरको बेदकोट नगरपापलिका–१०, रानादैजीका तीनजनाको घर जंगलीहात्तीको झुन्डले भत्काइदिएको छ ।

बिहीबार राति शिवराज राना, खेमराज राना, प्रेम सिंह रानालगायत तीनजनाको घर हात्तीको झुन्डले भत्काएको हो ।

हात्तीले घर भत्काइ भन्डारण गरेर राखेको धान, चामल, पिठो, गहुँलगायतको अन्न सबै खाएको छ ।

लुगा, कागजपत्र, बाकस, ग्यास सिलिन्डर, दराज, पंखा, टीभीलगायतका सामग्रीसमेत पूरै तोडफोड गरेको छ ।

घरनजिक लगाएको तरकारी नस्ट गर्नाका साथै खानेपानीका लागि गाडिएको नल्कासमेत हात्तीको झुन्डले उखेलेको छ ।

राति १२ बजे २० भन्दा बढीको संख्यामा रहेको हात्तीको झुन्ड शुक्लाफाँटा राष्ट्रिय निकुञ्जबाट बस्ती छिरेको हो ।

हात्तीको झुन्डले घर भत्काउन थालेपछि बालबालिकासहित ज्यान जोगाउन घर छाडेर भागेको स्थानीय शिवराज रानाले बताए ।

‘बिहान घरमा पुग्दा घर भत्काइएको थियो’–उनले भने–‘घरभित्र राखेको सबै अन्न खाइदियो । लुगाफाटोसमेत च्यातचुत पारेर बिचल्लीमा पारेको छ ।’

‘ज्यान त बल्लतल्ल जोगायौं’, घर जोगाउन सकिएन’–उनले भने ।

अन्न सबै हात्तीले खाएपछि बिहान छिमेकीले दिएको खाना खाएर बसेको अर्का खेमराज रानाले बताए ।

उनले भने–‘हात्तीले बिजोग पार्‍यो । खानासमेत अरुबाट मागेर खानुपरेको छ ।’

खेतमा धान छँदा खाएर नोक्सान गर्दै आएको हात्तीले घरभित्र राखेको धानलगायतका अन्नसमेत खाएर नोक्सान गर्न थालेपछि स्थानीय बासिन्दा त्रसित भएका छन् ।

हात्ती नियन्त्रणका लागि भरपर्दो व्यवस्था गरिदिन यस क्षेत्रका बासिन्दाले माग गरेका छन् ।

यसैबीच, शुक्रबार बिहान सुदूरपश्चिम प्रदेशका सदस्य लालबहादुर खड्काले हात्तीले घर भत्काएका परिवारको अवस्था र क्षतिको जानकारी लिए ।

उनकाअनुसार हात्तीको झुन्डले तीनओटै परिवारको अन्न सबै खाएर र घरभित्र राखेको लुगाफाटोसमेत नस्ट गरेको छ ।

खड्काले भने–‘हात्तीपीडित परिवारको अवस्था निकै नाजुक छ । तत्काल राहत र बस्ने व्यवस्था मिलाउन पहल भइरहेको छ ।’ रासस

प्रतिकृया दिनुहोस
SITENAME

भट्टको हत्या प्रकरण अत्तरीयाका राजु कडायत पक्राउ 

धनगढी, ८ माघ ।  कैलालीको गोदावरी नगरपालिका स्थित अत्तरियामा धारिलो हतियार प्रहार गरी २० वर्षीय युवक अरुण भट्टको हत्यामा संलग्न रहेको आरोपमा थप १ जना

SITENAME

डडेल्धुरामा चट्याङ लागेर एकको मृत्यु, दुई घाइते 

डडेल्धुरा,  ८ माघ ।  डडेल्धुरामा चट्याङ लागेर मंगलबार एकजनाको मृत्यु भएको छ। मृत्यु हुनेमा आलिताल गाउँपालिका–३ बागथलाका ३० वर्षीय हर्कबहादुर

SITENAME

सुदुरपश्चिमका पहाडी जिल्लामा हिमपात (फोटोफिचर)

धनगढ, ८ माघ । सुदुरपश्चिमका पहाडी जिल्लामा भारी हिमपात भएको छ । सोमबार राति देखि परेको अबिरल बर्षा पछि आज बिहानबाट हिमपात सुरु भएको हो । हिमपात सुरु