धनगढी, ४ फागुन । थारु भाषाको ‘हिरो आ गैल’ बोलको गीतमा बनेको म्युजिक भिडियो बिहीवार सार्वजनिक गरिएको छ । 
    हमार म्युजिक पहुराले उक्त गीतमा बनेको म्युजिक भिडियो सार्वजनिक गरेको हो । म्युजिक भिडियोमा कैलालीका चर्चित थारु मोडल वीर चौधरी र एलिशा चौधरीले अभिनय गरेका छन् । सावन मर्चाहाको शब्दमा युवा पुस्तामाझ लोकप्रिय बन्न सफल गायक खेम चौधरीले स्वर दिएका छन् । गीतमा गणेश चौधरीको सङ्गीत रहेको छ । 
    थारु भाषामा एकपछि अर्को गीत र म्युजिक भिडियो बनाउनेक्रम अहिले बढेको छ । हमार म्युजिक बगिया, बिन्दास मिडिया, याल्डमुन मिडिया, सीएस फिल्म्स् प्रालि, हमार म्युजिक अङ्गना लगायतका प्रोडक्सन हाउसले नयाँ–नयाँ गीत तथा म्युजिक भिडियो बजारमा ल्याइरहेका छन् ।