उद्घाटन कार्यक्रममै व्यस्त मुख्यमन्त्री र मन्त्रीहरु

SITENAME

धनगढी, २ वैशाख ।
त्रिलोचन भट्टले प्रदेश नम्बर सातको मुख्यमन्त्रीका रुपमा जिम्मेवारी सम्हालेको आज ५८ दिन भयो । प्रदेश सरकारका मन्त्रीलाई प्रभावकारी ढंगले परिचालन गर्नुपर्ने र स्वयम पनि प्रभावकारी ढंगले जनअपेक्षा पुरा गर्न सक्रिय हुनुपर्ने मुख्यमन्त्री त्रिलोचन भट्टको दिनचर्या भने कार्यक्रमहरुको उद्घाटन र अन्तरक्रियामा बित्ने गरेको छ ।
पुस्तक बिमोचनबाट शुरु भएको मुख्यमन्त्रीको कार्यक्रम मोह सांस्कृतिक कार्यक्रम, स्कुल तथा क्याम्पसका वार्षिकोत्सव देखि बिभिन्न अन्तरक्रियामा समेत जारी रहेको छ ।
मुख्यमन्त्री भट्टकै क्रियाकलापलाई अनुशरण गर्दै अन्य मन्त्रीहरुको दिन पनि उद्घाटन र कार्यक्रममा बित्ने गरेको छ । कतिसम्म भने एउटै कार्यक्रममा दुई जना मन्त्री प्रमुख अतिथि समेत बनेर कार्यक्रममा सहभागी भएका छन् । एउटा मन्त्रीले प्रमुख अतिथि आसनबाट भाषण सकेर फिर्ता गएपछि अर्को मन्त्रीले प्रमुख अतिथिकै रुपमा आसन मात्र ग्रहण गरेनन । भाषण समेत गरे । 
भाषणमा प्रदेश नम्बर सातको विकास, समृद्धि र आर्थिक क्रान्तिका चर्का कुरा गर्ने मुख्यमन्त्री र मन्त्रीहरुले आर्थिक विकास र समृद्धिका लागि काम गर्नु त टाढाको कुरा आफ्नै कार्यालयको चुस्त व्यवस्थापन गर्न सकेका छैनन ।
नेपाली काँग्रेस डडेल्धुराका सभापति तथा प्रदेश सांसद कर्ण मल्लले मुख्यमन्त्री र मन्त्रीहरुले भाषणमा आर्थिक क्रान्तिका चर्का कुरा गरे पनि व्यवहारमा उल्टा देखिएको गुनासो गरे ।
दिनभरी उद्घाटन र कार्यक्रममा व्यस्त रहने मुख्यमन्त्री र मन्त्रीहरुबाट आर्थिक क्रान्ति हुने कुरा जनताले कसरी विश्वास गर्ने ?सांसद मल्लले प्रश्न गर्दै भने, मन्त्रालयको चुस्त र प्रभावकारी व्यवस्थापन र जनतालाई प्रदेश सरकारको अनुभूति दिन २४ सै घण्टा व्यस्त रहनुपर्ने मुख्यमन्त्री र मन्त्रीहरु एकदम फुर्सदिला छन् । एकैदिनमा तीन चार वटा कार्यक्रमको उद्घाटन र त्यसैमा भाषण गर्नमा व्यस्त छन् ।
मुख्यमन्त्री भट्टले कार्यक्रम भन्दा प्रदेश सरकारको काममा आफू बढि व्यस्त रहेको बताए ।

नेपालको सिष्टम त्यस्तै हो, काम गरे गरेन भन्ने काम ग¥यो पनि जस नदिने,मुख्यमन्त्रीले उल्टै गुनासो गरे,म प्रदेशकै विकासका लागि सक्रिय छु ।
उनले कार्यक्रममा मुख्यमन्त्री सबै कार्यक्रममा सहभागी भयो भन्ने सहभागी नभए मुख्यमन्त्री ठूलो भयो भन्ने गुनासो आउने गरेको सुनाए ।
मख्यमन्त्री भट्टले आफू बाहिरका कुनै कार्यक्रममा नै नगएको १५ दिन जति भएको बताए । यद्दपि मुख्यमन्त्री भट्ट शुक्रवार कैलाली बहुमुखी क्याम्पसको वार्षिकोत्सव समारोहमा सहभागी भएका थिए ।
 हामीले थुप्रै काम गरेका छौ । प्रदेश सरकारले अर्थ बिधयेक पास गरेको छ । उनले भने, नीति तथा कार्यक्रम संसदमा छलफलमा छ । बैशाख ५ देखि ७ गतेसम्म बजेट ल्याउदैछौ ।
उनले प्रदेश सरकारलाई संघियता नै चुनौती भएको बताए । मुख्यमन्त्री भट्टले भने, संघियता नै सबैले बुझेका छैनन । बुझाउनु नै ठूलो चुनौती हो । अर्को साधन,स्रोत र बजेटको अभाव पनि प्रदेश सरकार सञ्चालनका चुनौती हुन् ।
प्रमुख राजनैतिक सल्लाहकारको नेम प्लेट हटाईयो
मुख्यमन्त्रीका प्रमुख राजनैतिक सल्लाहकारका रुपमा मुख्यमन्त्री कार्यालयमा सक्रिय नरेन्द्र कुँवर ‘बिजय सुन्दर’ को नेम प्लेट गायव भएको छ ।
त्रिलोचन भट्ट मुख्यमन्त्री भएको केही समयपछि उनको प्रमुख सल्लाहकारका रुपमा नरेन्द्र कुँवर ‘बिजय सुन्दर’ लाई पार्टीका तर्फबाट खटाईएको थियो । यद्दपि माओवादी केन्द्रका केही नेताले बिजय सुन्दरले दवाव दिएर प्रमुख सल्लाहकार नियुक्त गर्न लगाएका बताए ।
उनलाई प्रमुख सल्लाहकार बनाउन माओवादी केन्द्रका प्रदेश नम्बर सातका ईञ्चार्ज लेखराज भट्टको समेत सहमती थियो ।
तर उनको नाम लेखेर मुख्यमन्त्रीको कार्यालयभित्रकै एउटा कक्षमा झुड्याइएको नेम प्लेट उनी काठमाण्डौं गएको बेला केही दिन अघि हटाइएको स्रोतले बतायो ।
उनी अधिकांश समय मुख्यमन्त्री भट्टसंगै रहने गरेका थिए । र मुख्यमन्त्रीको कार्यालयमा हावी थिए । 
कानुन नबनी सकेकोले प्रदेश सरकारले आफूखुशी कसैलाई नियुक्त गर्न नसकेको भएपनि मुख्यमन्त्री भट्टले बिजय सुन्दरको दवाव थेग्न नसकेर उनलाई प्रमुख सल्लाहकारका रुपमा स्वीकार गरेर राखेका थिए । स्रोतले भन्योमाथिको दवावमा उनको नेम प्लेट हटाईएको हो ।
मुख्यमन्त्रीले कतिजना नियुक्त गर्न पाउछन ?
प्रदेशको कानुन नबिनसकेकोले मुख्ममन्त्रीले एक जना उपसचिव र अर्को शाखा अधिकृत स्तरको समेत गरी दुई जना स्वकीय नियुक्त गर्न पाउछन् । 
भट्टले स्वकीय सचिवमा शिवसिंह ओलीलाई नियुक्त गरेका छन् । उनले राजपत्रांकित द्धितीय श्रेणी( उपसचिव) सरह सेवा सुबिधा पाउने व्यवस्था छ । नियुक्त भमहान्यायधिवक्ता पनि मुख्यमन्त्रीकै सिफारिसमा गभर्नरले नियुक्त हुने व्यवस्था छ । जस अनुसार कुलानन्द उपाध्याय नियुक्त भईसकेका छन् । 
मुख्य न्यायधिवक्ताले उच्च अदालतको न्यायधिश अनुसार सुबिधा पाउने गरेका छन् ।
मुख्यमन्त्री भट्टले प्रमुख सल्लाहकारका रुपमा कसैलाई नियुक्त नगरिसकेको बताए । कानुन नै नबनेको अवस्थामा कसैलाई नियुक्त गर्ने कुरा भएन । उनले भने, हो, पार्टीका तर्फबाट सल्लाह र सहयोग दिन कोही खट्न सक्छन् । 
आधिकारिक सूचना पाउनै गाह्रो 
मुख्यमन्त्री चयन भएको ५८ दिन हुदा अहिलेसम्म एक पटक पनि मुख्यमन्त्रीको कार्यालयबाट कुनै पनि विषयमा आधिकारिक सूचना बाहिर आएको छैन ।
मुख्यमन्त्री कार्यालयमा सञ्चार हेर्ने गरी दुई जना खटिएका छन् ।
तर उनीहरुलाई न कुनै अधिकार छ ।न जिम्मेवारी नै । न उनीहरु मुख्यमन्त्री कार्यालयका कर्मचारी नै हुन् ।
प्रेस टीम व्यवस्थित नहुदा र सूचना अधिकारीको भूमिका प्रभावकारी नहुदा अहिलेसम्म मुख्यमन्त्रीका कुनै पनि गतिबिधि र क्रियाकलापको आधिकारिक प्रेस नोट बाहिर आउन सकेको छैन ।
उनले मुख्यमन्त्री भएयता थुप्रै देशका राजदूत, दातृ निकायका प्रतिनिधि, उद्योग वाणिज्य महासंघका केन्द्रीय अध्यक्ष लगायतको टोलीलाई भेटेका छन् । तर उनले अहिलेसम्म कसकसलाई भेटेर के छलफल गरे, स्रोतले भन्यो,छलफलबाट के सहमती भयो । बैठक तथा छलफलबाट के उपलब्धी भयो । त्यो बाहिर ल्याउन सकेका छैन ।
सूचना अधिकारीबाट आधिकारिक सूचना नआउदा मुख्यमन्त्री प्रमुख अतिथि वा सहभागी भएको कार्यक्रम र छलफलको समाचार समाचारमाध्यमहरुमा फरक फरक आउने गरेको छ ।
तर ती फरक फरक समाचारमा पनि मुख्यमन्त्री भट्टको अहिलेसम्म ध्यानाकर्षण भएको छैन ।
मुख्यमन्त्रीका गतिबिधिहरु पारदर्शी हुनुपर्छ, नेपाली काँग्रेसका नेता गोविन्दराज जोशीले भने, उनले गर्ने निर्णय, उनी सहभागी छलफलको निर्णय र उपलब्धी जनताले तत्काल थाह पाउनुपर्छ । यसले मुख्यमन्त्री स्वयमलाई राम्रो हुन्छ । जनताले पनि उनले के काम गरिरहेका छन् । थाह पाउछन् ।

मुख्यमन्त्रीको कार्यालय धर्मशाला जस्तो

मुख्यमन्त्रीको कार्यालयमा मुख्यमन्त्रीले कसैलाई नियुक्त नगरेको बताएपनि ६ जना भन्दा बढि व्यक्ति सधैजसो मुख्यमन्त्रीकै कार्यालयमा हुन्छन ।
स्रोतका अनुसार न त उनीहरु मुख्यमन्त्री कार्यालयका कर्मचारी हुन् । न त नियुक्ती नै पाएका व्यक्ति । तर उनले साधन र स्रोत भने मुख्यमन्त्री कार्यालयकै उपभोग गर्ने गरेका छन् । 
को आउछन्, को जान्छन, कसले टेलिफोन चलाउछ । कसले कम्प्युटर । त्यसको जानकारी कसैलाई हुदैन, स्रोत भन्छ्, प्रदेश नम्बर सातको मुख्यमन्त्रीको कार्यालयको हालत नै धर्मशालाको जस्तो छ । भने अरुको के हालत होला ।
आफ्नै कार्यालयको यस्तो हालत हुदा मुख्यमन्त्री भने अरु कार्यालय र योजनाको अनुगमन र अवलोकनमा जाने गरेका छन् ।


 

प्रतिकृया दिनुहोस
SITENAME

लोकतन्त्र प्रति नेकपाको चासो छैन ः  पण्डित 

प्रेम रौले  बाजुरा ३१ भदौ  नेपाली काँग्रेस जिल्ला कार्य समिति सदस्य पुर्व पाटी सचिव तथा संगठन विभाग प्रमुख धनराज पण्डितले अहिलेको नेकपाको

SITENAME

जेलमा रहेका चौधरी थाकस सभापतिमा सर्वसम्मत

धनगढी, ३० भदौ । थारु कल्याणकारिणी सभा (थाकस) कैलालीको सभापतिमा पुनः लाहुराम चौधरी सर्वसम्मतले चयन भएका छन् ।      धनगढीमा भएको आठौं अधिवेशनले

SITENAME

किन राजिनामा गरे केसीले ?

धनगढी,२६ भदौ । कञ्चनपुरमा १३ वर्षीया बालिका निर्मला पन्तको हत्याको घट्नाको छानबनका लागि सरकारबाठ गठित उच्चस्तरीय छानबिन समितिका सदस्य बिरेन्द्र