कैलालीमा घाँटी रेटिएको अवस्थामा एक युवकको शव फेला

धनगढी,३ पुस ।  कैलालीमा घाँटी रेटिएको अवस्थामा एक युवकको शव फेला परेको छ । जिल्लाको जानकी गाउँपालिका – ९ का २५ वर्षीय अर्जुन दासको घाँटी रेटिएको अवस्थामा शव फेला परेको हो ।

दासको स्थानिय अमरावती सामुदायिक वनमा शव फेला परेको जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले जानकारी दिए ।  उनले घटना स्थलमा प्रहरीको टोलीले अनुसन्धान गरिरहेको बताए ।