खै वारि पारि कताका हुन ?
नदी किनारका माझीहरु ।
राजा दोषी  हुन कि यहाँ 
रैती अनि काजीहरु ?

कसका लागि गरिदैछन् 
ठूलाठूला कुराहरु ?
माछासङ्ग जोखिममा छन् । 
माछाकै आफ्ना भुराहरु ।।

कहिलेसम्म टिक्लान यहाँ ? 
जाली अनि झेलीहरु ??
बेच्दै अनि रेट्दै यहाँ ।
निर्दोष छोरी चेलीहरु ।।

विकाशको नाममा विनाश,
कहिलेसम्म चल्ने होला ?
सबको लागि निस्पक्ष भै,
चुल्हो कहिले बल्ने होला ??

सत्ता मोह भन्ने रोग,
कहिले निको हुने होला ?
बेचिएकी आमा फिर्ता ,
ल्याउने सपुत कहाँ होला ??