भूकम्पबाट बच्न २ तला माथिबाट हामफाल्दा घाइते

अछाम, १६ असोज । मङ्गलबार दिउँसो गएको भूकम्पबाट बच्न विद्यालयको २ तलाबाट हामफालेका एक विद्यार्थी घाइते भएका छन् ।

अछामको बान्नीगढी जयगढ गाउँपालिका–६ दर्नास्थित विन्देवासिनी माविमा कक्षा १० मा अध्ययनरत सन्तोष साउँद घाइते भएका हुन् । कक्षा चलिरहेको बेलामा भूकम्पको धक्का महसुस भएपछि आत्तिएर विद्यालयको विज्ञान भवनको २ तलाबाट हामफाल्ने क्रममा साउँद घाइते भएको विद्यालयका प्रधानाध्यापक निर्प रावतले जानकारी दिए । सन्तोषको बाहिरी देखिने गरेर टाउको, अनुहारमा चोट लागेको बताइएको छ ।