कैलालीमा यसरी उजाड पारियो बाढीपीडित बस्ती,नगरप्रमुखले जनाए आपत्ति (तस्बिर)
![](https://paschimtoday.com/uploads/news/images/448968260_10161711310214581_2949889191231445723_n2024-06-25-07-29-00.jpeg)
भजनीका नगरपालिकाको वडा १ र ९ मा बसिरहेका बाढीपीडितलाई बस्तीमा वन डिभिजन कार्यालयले स्थानीय तहसँग समन्वय नगरी डोजर चलाएको छ । वन डिभिजन कार्यालय पहलमानपुरले बाढीपीडितका नाममा बस्दै आएका झन्डै पाँच सय परिवारलाई हटाएर २० हेक्टर ३० बिघा क्षेत्र खाली गराएको छ ।
सो क्षेत्रका मोहन्याल, पशुपति र वनदेवी सामुदायिक वनको समेत आग्रहमा ३५ र सात दिने सूचना जारी गरेर बाढी पीडितका नाममा जङ्गलमा बस्दै आएकालाई हटाइएको वन डिभिजन कार्यालयले जनाएको छ ।
वन कार्यालयले नेपाल प्रहरी र सशस्त्र प्रहरीको सहयोगमा घर टहरा भत्काएको छ । डिभिजन वन कार्यालयका प्रमुख रामविचारी ठाकुरको नेतृत्वमा घर टहरा भत्काउन थालिएको छ । भजनी बजार छेउमा रहेको जङ्गलमा सो नगरपालिकाका वडा ३, ५, ७ र ९ का बासिन्दा बाढी पीडित भन्दै बस्दै आएका थिए ।
भजनीका नगरप्रमुख केवल चौधरीले भने वन डिभिजन कार्यालयले स्थानीय तहसँग समन्वय नगरी बाढीपीडितलाई हटाएकोमा आपत्ति जनाएका छन् ।
तपाईको प्रतिक्रिया