Close This

बैतडीमा नाबालिकामाथि करणी, बाजेलाई १५ लाखको चेक दिएर शिक्षक फरार

सोमबार असार १७, २०८१/ Monday 07-01-24
Paschim Today

धनगढीः बैतडीमा १३ वर्षीया नाबालिकामाथि करणी भएको छ। शिक्षकले नाबालिकामाथि जबरजस्तीकरणी गरेको घटनामा पीडितका परिवारले १५ लाखमा मिलापत्र गराएको तर पैँसा नपाएपछि प्रहरीमा किटानी जाहेरी दिएको घटना सार्वजनिक भएको हो।

पाटन नगरपालिकाको एक विद्यालयकी १३ वर्षीया नाबालिकामाथि सोही विद्यालयका २८ वर्षीय शिक्षक लक्ष्मीकान्त पनेरुले गत चैतको १२ गते राति आफ्नै कोठामा बोलाएर जबरजस्ती गरेको घर परिवारले थाहा पाएका थिए। त्यसपछि शिक्षक नाबालिकाका परिवारलाई १५ लाख दिन तयार भएपछि कहीकतै उजुरी नगर्ने सहमती भएको खुलेको छ।

शिक्षक र नाबालिकाका परिवारबीच उमेर २० वर्ष पुगेपछि विवाह गर्ने, त्यो बेलासम्म पालन पोषण गर्ने र तत्काल घरपरिवारलाई १५ लाख रुपैयाँ दिने सहमती भएको थियो। उक्त रकमकालाई सुरक्षित आवास गृह पाटनमा लगिएको थियो। त्यसपछि शिक्षकविरुद्ध जबरजस्तीकरणी मुद्धा दर्ता भएपछि उनी फरार भएको प्रहरीले जनाएको छ।

जिल्ला प्रहरी कार्यालयका प्रमुख प्रहरी नायब उपरीक्षक दिपक गिरीले शिक्षक पनेरुविरुद्ध किटानी दर्ता भएको बताउँदै उनको खोजी भइरहेको जानकारी दिए। घटना भएको ढिलोगरि उजुरी आएका कारण केही समस्या भएपनि कानुनी कारवाहीको दायरामा ल्याइने बताए। तीन महिनादेखि उनी बैतडी प्रहरीको फरार सूचिमा छन्।