एमाले धनगढी उपमहानगर कमिटीद्वारा रक्तदान कार्यक्रम सम्पन्न 

कैलाली । नेकपा एमाले धनगढी उपमहानगरपालिका कमिटीले धनगढीमा रक्तदान कार्यक्रमको आयोजना गरेको छ। जिल्लामा रगत अभावका कारण समस्या भइरहेको हुँदा रक्तदान कार्यक्रमको आयोजना गरिएको नगर अध्यक्ष अम्बिका बिस्ट मल्लले जानकारी दिइन् ।

‘अहिले रगत अभावका भइरहेको छ । रगत नपाउँदा बिरामीहरूलाई सास्ती छ त्यहि समस्या कम गर्न हामीले रक्तदान कार्यक्रमको आयोजना गरेका हौँ’ उनले भनिन् ।

धनगढीस्थित जिल्ला पार्टी कार्यालयमा आयोजना गरेको बृहत रक्तदान कार्यक्रममा २६ जनाले रक्तदान गरेका थिए ।कार्यक्रममा एमाले प्रदेश सचिव रणबहादुर चन्द, कैलाली जिल्ला उपसचिव चूडामणि भट्ट लगायत प्रदेश ,जिल्ला , र नगर तह का नेता तथा कार्यकर्ता सहभागी रहेको थियो । 

नगर अध्यक्ष मल्ले तीजको रमाइलोमा पनि समाजमा राम्रो कामको सुरुवात गरेको बताइन् ।आगामी दिनमा पनि एमाले नगर कमिटीले यस्तै सृजनशील कामहरू गर्ने उनको भनाइ थियो ।