मनमोहक बडीमालिका

बडीमालिका छ नै अद्भूत । मनमोहक । अनि रमणीय । हेरिरहु लाग्ने हरिया पाटन । पलभरमै सूर्यलाई ढाक्ने बादलका गुजुल्टाहरु । त्यही गुजुल्टामा ढाकिने पाटन । अनि लामबद्ध भएर उकालो चढिरहेका तिर्थालुहरु । र, टाकुरामा रहेको बडीमालिकाको मन्दिर । हिन्दुहरुको आस्थाको धरोहर । जसको दर्शनका लागि हिन्दु धर्मावलम्बीहरु लालायीत हुन्छन । र त, दुःखकष्ट र थकानको वास्ता नगरी हरेक वर्ष जनै पूर्णिमामा लाग्ने मेलामा बडीमालिका पुग्छन । हरिया पाटनमा फुलेका रंगीबिरंगी फुलहरु । बडिमालिका पुग्ने जो कोहीलाई यहाँको मनोरम दृष्यले मोहित बनाउछ ।
झण्डै छ महिना हिउँले ढाकिने बडीमालिकामा जनै पूर्णिमामा भने जताततै मान्छे हुन्छन् । यति महत्वपूर्ण पर्यटकीय गन्तव्य यतिबेला संरक्षणको पर्खाईमा छ । सम्बद्र्धनको पर्खाईमा छ । यसतर्फ राज्यको ध्यान जान भने जरुरी छ । जाने होईन त तपाई पनि ?
फोटो फिचर : बसन्त प्रताप सिंह ।