एनपिएल : पोखरा बिरुद्ध ब्याटिङमा उत्रियो सुदुरपश्चिम

काठमाडौं । जारी नेपाल प्रिमियर लिग (एनपीएल) क्रिकेटअन्तर्गत आज (आइतबार)को दोस्रो खेलमा सुदूरपश्चिम रोयल्स र पोखरा एभेन्जर्सबीच प्रतिस्पर्धा भइरहेको छ ।

सुदूरपश्चिम पहिले ब्याटिङमा उत्रिएको छ । पोखराका कप्तान कुशल भुर्तेलले टस जितेर फिल्डिङ रोजेपछि दीपेन्द्रसिंह ऐरी नेतृत्वको सुदूरपश्चिम ब्याटिङमा उत्रिएको हो ।

खेल कीर्तिपुरको त्रिवि मैदानमा दिउँसो १ बजे सुरु भएको छ । आजै भएको पहिलो खेलमा काठमान्डु गुर्खाजले विराटनगर किंग्समाथि १ विकेटको रोमाञ्चक जित हात पारेको हो । यससँगै काठमान्डुले प्लेअफ सम्भावना जीवितै राखेको छ ।