सुन खानीमा फसेका सय जना दक्षिण अफ्रिकी मजदुरको भोकले मत्यु

एजेन्सी : दक्षिण अफ्रिकाको सुन खानीमा फसेका एक सयभन्दा बढी कामदारको मृत्यु भएको छ। अल जजिराको रिपोर्टका अनुसार खानीमा दुई महिनादेखि ४ सयभन्दा बढी कामदार फसेका थिए। उनीहरू सबै अवैध रूपमा सुन उत्खनन गर्न खानीमा प्रवेश गरेका थिए।

राहत र उद्धारका लागि विशेष खानी उद्धार टोली घटनास्थलमा पठाइएको छ। प्रतिवेदन अनुसार भोक र तिर्खाका कारण मजदुरको ज्यान गएको हो। हालसम्म १३ जनाको शव निकालिएको छ। धेरै मानिसलाई विस्थापित गरिएको छ।

उद्धार गरिएका कामदारहरूबाट एउटा सेलफोन भेटिएको थियो, जसमा २ भिडियो थिए। यी भिडियोमा दर्जनौं शव पोलिथिनमा बेरिएको देखिन्छ।

खानीमा काम गर्ने मजदुरसँग सम्बद्ध सामाजिक संस्था माइनिङ इफेक्टेड कम्युनिटीज युनाइटेड इन एक्सन ९म्याकुए०का अनुसार प्रहरीले गत मंसिरदेखि अवैध उत्खननविरुद्ध कारबाही थालेको थियो। प्रहरीले यो खानी सिल गर्ने प्रयास गरेको थियो। यसका लागि कामदारलाई बाहिर आउन आग्रह गरिएको छ। पक्राउ पर्ने डरले कामदारले खानीबाट बाहिर निस्कन मानेनन्। त्यसयता यी मजदुर खानीमा फसेका थिए।

मजदुरले अस्वीकार गरेपछि प्रहरीले खानीभित्र पस्न र बाहिर निस्कन प्रयोग गरिने डोरी र पुली हटाएको मकुआले जनाएको छ। त्यसपछि कामदार खानीमै अलपत्र परेका थिए।

दक्षिण अफ्रिकी अखबार सन्डे टाइम्सका अनुसार उद्धार टोलीले एउटा पिंजरा तयार पारेको छ, जसलाई खानीमा ३ किलोमिटर तल झर्ने काम भइरहेको छ। यो पिंजराको सहायताले पहिले बाँकी रहेकालाई बाहिर निकाल्ने काम भइरहेको छ।