अमेरिकामा संघीय स्वास्थ्यकर्मीको कटौती सुरु, गेटमा पुगेपछि थाह पाए जागिर गएको

अमेरिका — अमेरिकामा संघीय स्वास्थ्यकर्मीको कटौती सुरु भएको छ । कटौतीबारे कर्मचारीले मंगलबार कार्यालयको गेटमा पुगेपछि मात्र थाह पाए ।  कार्यालय समयभित्र पुग्नका लागि हतारमा आएका कर्मचारीलाई भित्र छिर्न नदिएर बाहिरै रोकिएको थियो । यो कटौतीमा कैयौं शीर्ष अधिकारी पनि छन् ।

अमेरिकाका स्वास्थ्यमन्त्री रोबर्ट एफ केनडी जुनियरले गत साता मात्रै १० हजार कर्मचारीलाई जागिरबाट निकालिने घोषणा गरेका थिए ।

अमेरिकी राष्ट्रपति कार्यालयले गत साता फूड एन्ड ड्रग एडमिनिस्ट्रेशन (एफडीए) का ३ हजार ५ सय कर्मचारी निकाल्ने योजना रहेको बताएको थियो ।

यता युनाइटेड स्टेट्स फर डिजीज कन्ट्रोल एण्ड प्रिभेन्शनबाट २ हजार ४ सय कर्मचारी कटौती भइसकेको छ । यसबाहेक प्रशासनले राष्ट्रिय स्वास्थ्य संस्थानबाट पनि १ हजार २ सय कर्मचारी निकालेको छ ।