यु-१९ विश्वकप छनोट: यूएईविरुद्ध टस हारेर ब्याटिङ गर्दै नेपाल

काठमाडौं । आईसीसी यु-१९ विश्वकप एसिया छनोटको पहिलो खेलमा नेपालले यूएईसँग प्रतिस्पर्धा गरिरहेको छ । तल्लो मुलपानी क्रिकेट मैदानमा यूएईले टस जितेर फिल्डिङ रोजेपछि नेपालले सुरुमा ब्याटिङ गरिरहेको छ ।

५० ओभरको खेललाई ४० ओभरमा घटाइएको छ । वर्षाका कारण मैदानमा पानी जमेकाले त्यसलाई सुकाउने काम गर्दा खेल निर्धारित समयभन्दा दुई घण्टा ढिलो सुरु भएको हो ।

घरेलु टिम नेपालसँगै यूएई, अफगानिस्तान, हङकङ र ओमानमध्ये छनोटमा शीर्ष हुने टिम अर्को वर्ष हुने यु-१९ विश्वकपमा छनोट हुनेछ ।