सायल गाउँपालिकाद्वारा महिलालाई बाख्रा वितरण
डोटी । सायल गाउँपालिकाले महिलाको आर्थिक सशक्तीकरणलाई प्राथमिकता दिंदै बाख्रा वितरण गरेको छ।
विहिवार गाउँपालिकाको वार्षिक अनुदान कार्यक्रम अन्तर्गत वडा नं। ३ स्थित केदारेश्वर कृषी समूहका महिलालाई बाख्रा वितरण गरिएको छ।
गाउँपालिकाले समावेशी विकास र आत्मनिर्भरता प्रवर्द्धन गर्ने उद्देश्यले महिलालाई लक्षित गर्दै यो कार्यक्रम सञ्चालन गरेको जनाएको छ। कार्यक्रम अन्तर्गत २५ जना महिलालाई बाख्रा वितरण गरिएको हो।
गाउँपालिका अध्यक्ष धर्मराज जोशीले महिलालाई आत्मनिर्भर बनाउन कृषि तथा पशुपालनजस्ता कार्यक्रमबाट महिलाले घरमै बसेर आम्दानी गर्न सक्ने वातावरण बनाउन बाख्रा वितरण गरिएको बताए ।
उहाले आगामी दिनमा पनि यस्ता कार्यक्रमलाई अझ विस्तार गर्ने प्रतिबद्धता व्यक्त गरे।
गाउँपालिका उपाध्यक्ष निर्मला बोहरा ओलीले महिलाको आर्थिक सशक्तीकरण आत्मविश्वास बढाउनुका साथै घरेलु आय वृद्धिमा सहयोग पुगोस् भन्ने उद्देश्यले समुहका महिलाहरुलाई माउ बाख्रा वितरण गरिएको जानकारी दिएका छन।
समुहका महिलाहरूले गाउँपालिकाले दिएको सहयोगप्रति कृतज्ञता व्यक्त गर्दै पाउने बाख्राबाट व्यवसायिक उत्पादनतर्फ लाग्ने प्रतिबद्धता जनाए ।
तपाईको प्रतिक्रिया