काठ्माण्डौँ- सुप्रिम सहकारी ठगीको अभियोगमा पुर्पक्षका लागि थुनामा रहेका राष्ट्रिय स्वतन्त्र पार्टीका सभापति रवि लामिछानेले कारागार सरुवा गर्न माग गरेका छन् । जिल्ला कारागार, रुपन्देहीको थुनामा रहेका लामिछानेले काठमाडौंको डिल्ली बजार कारागार सरुवा गर्न माग गरेका हुन् ।

जिल्ला अदालत रुपन्देहीमा निवेदन दिएर सरुवा माग गरेपछि अदालतले आवश्यक प्रक्रिया मिलाइदिन भनि कारागार प्रशासनलाई लेखि पठाएको थियो। त्यहीअनुसार रुपन्देही कारागार प्रशासनले कारागार व्यवस्थापन विभागमा पत्र पठाइसकेको छ। विभागबाट निर्णय भएर आए लगतै लामिछानेलाई सरुवा गरिने छ।

सुप्रिम सहकारी ठगीको अभियोगमा जिल्ला अदालत रुपन्देहीले सुरुमा १ करोड रुपैयाँ धरौटीमा रिहा गर्न आदेश दिएको थियो।