अमेरिकामा एलिनाको लुकः टाउकोमा खादाको फेटा, फेटाभित्र डलर

काठमाडौं– गायिका एलिना चौहान आफ्नो सांगीतिक प्रस्तुति दिनका लागि यतिबेला अमेरिका पुगेकी छिन् । उनको यो पहिलो अमेरिका भ्रमण पनि हो ।

एलिनाले ‘आज गाउँछ अमेरिका’ शीर्षकको सांगीतिक कार्यक्रममा सहभागिता जनाउँदै अमेरिकाको न्युयोर्क शहरमा आफ्नो प्रस्तुति दिएकी छिन् ।

प्रस्तुतिको क्रममा एलिनाको आजसम्म नदेखिएको अवतार देखिएको छ । एलिनाले स्टेजमा आफ्ना लोकप्रिय गीतहरु प्रस्तुत गरिरहँदा उनको टाउकोमा खादाको फेटा र फेटा भित्र डलर राखिएको देखिएको छ ।

उनी उक्त अवतारमा दंगदास देखिएकी छिन् । उनीमाथि स्टेजमा नै डलरको वर्षा गरिएको छ । खबर अनुसार एलिनालाई त्यहाँ आएका दर्शकहरुले करिव एक हजार ७० डलर (एक लाख पचास हजार नेपाली रुपैयाँं) नगद उपहार दिएका छन् । अहिले उनको उक्त तस्विरले सामाजिक सञ्जाल ततााएको छ ।