एनआरएनए युगान्डाकी अध्यक्ष अर्यालले जितिन मिसेज इन्डिया वर्ल्ड वाइड २०२५ को ताज
मुम्बई, ३० अगष्ट ।
भारतको मुम्बईमा आयोजित मिसेज इन्डिया वर्ल्ड वाईड २०२५ को ताज रमा अर्यालले जितेकी छन् ।
श्री साई इन्टरमेन्ट प्रालिद्धारा आयोजित प्रतिष्ठित अन्तर्राष्ट्रिय सौन्दर्य प्रतियोगिततामा युगाण्डाबाट सहभागी ३४ वर्षीया अर्यालले १६ देशका प्रतिस्पर्धीलाई पछि पार्दै मिसेज इन्डिया वर्ल्ड वाईड २०२५ को ताज पहिरिएकी हुन् ।
मिसेज इन्डिया विश्वव्यापी सौन्दर्य प्रतियोगिता मात्र नभई विवाहित महिलाहरुको आत्मविश्वास, नेतृत्व क्षमता, सांस्कृतिक सचेतना, कला र सामाजिक योगदानमा नेतृत्व विश्वव्यापी रुपमा पहिचान गराउने प्रतियोगिता हो ।
अमेरिकाको एभेनेइच युनिभर्सिटीबाट हालै मानार्थ डाक्टरको उपाधी प्राप्त अर्याल युगान्डाको कम्पालामा व्यवसायमा संलग्न छिन् । व्यवसायसंगै सामाजिक कार्यमा पनि संलग्न अर्याल गैरआवासीय नेपाली संघ युगाण्डाको अध्यक्ष समेत हुन् ।
प्रतियोगिताको फाईनलमा नेपालको राष्ट्रिय झण्डा उचाल्दै अर्यालले अन्तर्राष्ट्रिय मञ्चमा नेपाल र नेपालीको शीर उचो पारेकी छिन् ।
तपाईको प्रतिक्रिया