इटहरीमा पनि गोली लागेर १ जनाको मृत्यु

इटहरी- इटहरीमा पनि प्रहरीको गोली लागेर एक जनाको मृत्यु भएको छ । इटहरी उपमहानगरपालिका कार्यालय अगाडि दिउँसोदेखिको प्रदर्शन नियन्त्रणमा नआएपछि साढे ३ बजेदेखि कर्फ्यु लगाइएको थियो । त्यसपछि पनि प्रदर्शन नरोकिएपछि प्रहरीले अश्रुग्यास र गोली चलाएको हो ।

प्रहरीको गोली लागेर १ जनाको घटनास्थलमै मृत्यु भएको छ भने दुई जना गम्भीर घाइतेलाई अस्पताल लगिएको छ । प्रदर्शन अहिले पनि जारी छ । त्यस्तै भ्रष्टाचारविरोधी र सामाजिक सञ्जालमाथिको प्रतिबन्ध तत्काल खुला गर्नुपर्ने मागसहित काठमाडौंमा भएको प्रदर्शनमा १४ जनाको मृत्यु भएको छ भने दर्जनौँ घाइते भएका छन् ।