प्रधानमन्त्री ओलीले गरे पार्टी कार्यालय भवनको शिलान्यास

काठमाडौं,९ बैशाख ।  प्रधानमन्त्री तथा नेकपा (एमाले) का अध्यक्ष केपी शर्मा ओलीले बल्खुमा पार्टी कार्यलय भवनको शिलान्यास गरेका छन् ।

नेपाल कम्युनिस्ट पार्टीको स्थापना दिवसको अवसर पारेर बल्खुमा पार्टी केन्द्रीय कार्यालय भवन शिलान्यास गरेका हुन् । शिलान्यास गरिएको भवन दुई वर्षसम्ममा बनाइसक्ने एमाले नेता प्रदीप कुमार ज्ञवालीले बताए ।

हाल धुम्बाराहीस्थित पासाङ ल्हामु पर्वतारोहण प्रतिष्ठानको भवन भाडामा लिई पार्टी कार्यालय सञ्चालन गरिरहेको एमालेले अब भने थापाथलीमा कार्यालय बनाउन भाडामा भवन लिइसकेको छ । बल्खुमा भवन नबनुञ्जेलसम्म थापथलीबाटै कार्यालय सञ्चालन गरिने नेताहरुले बताएका छन् ।