देशभर थप ४५५ जनामा कोरोना संक्रमण, ८ जनाको मृत्यु

बिहीबार असोज २८, २०७८/ Thursday 10-14-21
Paschim Today

काठमाडौं, २८ असोज । पछिल्लो २४ घण्टामा देशभर थप ४५५ जनामा कोरोना भाइरस संक्रमण पुष्टि भएको छ ।

३ हजार ४ सय १८ पीसीआर परीक्षण गर्दा ३९८ जना र २ हजार ७९६ एन्टिजेन परीक्षण गर्दा ५७ गरी ४५५ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।

यस्तै पछिल्लो २४ घण्टामा कोरोना संक्रमणबाट ८ जनाको मृत्यु भएको छ भने ८०४ जना निको भएका छन् ।