म एक भोटर
एक नेतालाई
एक भोट दिएर
एक कार्यकाल
जिताउन सक्ने
सिर्फ म एक भोटर
एक नेतालाई
एक भोट नदिएर
एक कार्यकाल
हराउन सक्ने
म सिर्फ एक भोटर
अरबमा खरबौँ पटक देश सम्झिँदै
पसिना पुछ्दै विल्डिङ्गमा
ओल्डिङ्ग गर्दा
निस्किएका झिल्काले
डडाएका आँखामा
समृद्ध नेपालको सपना
देख्दै
दल हैन देश जिताउन
फर्किएको
सिर्फ म एक भोटर !!!
रवीलाई बिदा गरेर
जुनलाई रमिता देखाउँदै
चौतारा र चौबाटोको
बिचमा जुठो चियाका गिलास
चुरोटका दिव्य ठुटाको
सहयोगले
मस्काउँदै
समृद्ध शान्त नेपाल
सुन्दै बसेको
सिर्फ म एक भोटर !!!
हो म सिर्फ एक भोटर
ठेकदारका ठेक्काको
समयावधि र जाममा
लागेका गाडी गन्दै
पशुपतिनाथ जप्दै
जहान परिवार प्रत्येक
मोड्मा सम्झिँदै
हर्नकै भरमा अगाडि बढ्दै
हिन्ने
सिर्फ एक भोटर !!!
अवस्था बद्लिएन
त के भो व्यवस्था त बद्लियो
आस्था बद्लिएन त के भो
नीति त बद्लियो
भूगोल बद्लिएन त के भो
सीमाना त बद्लियो
तर यो भोटर अझै भोटर नै छ
मात्र भोटर
नागरिक कहिले बनिन !!!
तपाईको प्रतिक्रिया