धनगढी,२९ वैशाख । सेन्चुरी कमर्सियल बैङ्क  धनगढी शाखा र धनगढी उपमहानगरपालिका १ स्थित हिमाल टपइन टाउन रेष्टुरेन्ट लज एण्ड बार बीच विभिन्न सेवा सुविधामा दिइने छुट सम्बन्धि सम्झौता भएको छ ।

बैङ्कले आफ्ना खातावालाहरू, क्रेडिट र डेबिट कार्ड ग्राहकहरू तथा संस्थापक शेयर धनीहरूलाई सहुलियत प्रदान गर्ने गरी सम्झौता गरेको छ ।

सम्झौता अनुसार बैङ्कको खातावालाहरू, क्रेडिट र डेबिट कार्ड ग्राहकहरू तथा बैङ्कका संस्थापक शेयर धनीहरूले होटेलको रुम बुकिङ सुविधामा २० प्रतिशत तथा फुड एण्ड बेभेरेजलौण्ड्री लगायत सम्पूर्ण सेवा सुविधामा १० प्रतिशत सम्म छुट पाउनेछन् ।

उक्त सम्झौता पत्रमा बैङ्कका धनगढी शाखा प्रबन्धक नगेन्द्र रत्न कोइराला र हिमाल टपइन टाउन रेष्टुरेन्ट लज एण्ड बारका प्रोप्राइटर बुधबहादुर गुरुङले हस्ताक्षर गरेका हुन् ।