रबी रानाको अध्यक्षतामा नेपाल राना थारु समाजको समानान्तर केन्द्रीय समिति गठन, ९ बुँदे विज्ञप्ति जारी
कैलाली। नेपाल राना थारु समाजको ७ औं महाधिवेशनमा बहिस्कार गरेको समूहले समानान्तर समिति चयन गरेको छ । मनोनयन दर्ता गरिसकेपछि बहिस्कार गरेको असन्तुष्टि समूहले रबी रानाको अध्यक्षतामा १७ सदस्यीय समानान्तर कार्यसमिति गठन गरेको हो ।
उपाध्यक्ष प्रेमवती राना र उपाध्यक्ष सुरेश बडायक , महासचिवमा जगदीश राना , सचिवमा रञ्जित राना र सचिव भजन लाल राना र कोषाध्यक्षमा पृथ्वी राना थारु चयन गरेको असन्तुष्ट समूहले सदस्यमा गर्भु राना , मुखलाल राना , राजेन्द्र राना, राम कुमार राना , सेवनिया राना, मनोहर राना , मेघनाथ राना , सिता राना , कृष्णा कुमारी राना , र भागरथी राना चयन भएका थिए ।
यस अघि नै नेपाल राना थारु समाजको निर्वाचन मार्फत कमलसिंह राना अध्यक्षमा विजयी भइसकेका थिए । निर्वाचन प्रक्रियासम्म समावेश भएर मतदान भन्दा अघिल्लो दिन विभिन्न विषयमा असहमति जनाउँदै बहिस्कार गरेको समूहले रवि रानाको नेतृत्वमा नयाँ कार्यसमिति चयन गरेको हो ।
समानान्तर समितिका अध्यक्ष रबी रानाले एक विज्ञप्ति जारी गर्दै ९ बुँदामा समानान्तर समिति गठन गर्नु परेको अवस्थाबारे प्रस्ट पारेका छन् ।
‘सातौँ महाधिवेशनमा मिति २०८१ कार्तिक ३ गते विधान विपरीत र निवर्तमान कार्यसमितिका बहुमत पदाधिकारीहरूको फरक मत र बहिष्कार बिच केही व्यक्ति र स्वार्थ समूहका लागि आफू निकटका व्यक्ति निर्वाचन मण्डल र अधिकृत तोकी सम्पन्न गरि कमिटी गठन गर्नु संस्थाको विधान विपरीत मात्रै नभई लोकतान्त्रिक पद्धति र कानुनी राज्यको खिल्ली उडाएको छ तसर्थ देहाय बमोजिमका कारण र संस्था को मर्म अनुसार समाजलाई एकताबद्ध गर्ने र संस्थालाई जीवन्त राख्ने उद्देश्यका साथ हामीले नेराथासको केन्द्रीय समानान्तर समिति गठन गरेका छौँ ’उनले जारी गरेको विज्ञप्तिमा उल्लेख गरिएको छ ।
तपाईको प्रतिक्रिया