तथ्यांक व्यवस्थापनमा समस्या उत्पन्न हुदा राहदानी वितरण प्रभावित

काठमाडौं । राहदानीको तथ्यांक व्यवस्थापनमा समस्या उत्पन्न हुँदा राहदानी वितरण रोकिएको छ । शुक्रबार राहदानी विभागले सूचना निकालेर राहदानी वितरण प्रभावित भएको जानकारी गराएको छ ।

राहदानी तथ्यांक व्यवस्थापनमा आएको समस्याले राहदानी विभाग, जिल्ला, इलाका प्रशासन कार्यालय र विदेशस्थित नियोगबाट राहदानी प्रवाह हुन नसकेको विभागले जनाएको छ ।
समस्या समाधानका लागि प्राविधिकको टोलीले निरन्तर काम गरिरहेको र छिट्टै सेवा पुन सरू गरिने विभागले जानकारी गराएको छ ।