बझाङमा गोठ भत्कीएर एक महिला घाइते, दुई गोरु मरे

बझाङः बझाङमा गोठ भत्कीएर एक महिला घाइते भएकी छन्। जिल्लाको जयपृथ्वी नगरपालिका–१ कैलाशमा हिरा शाहीको निर्माणाधीन गोठको धुरी भाँचिदा चोट लागेर उनी घाइते भएकी हुन्।

निर्माणाधीन गोठमा माथिल्लो तला हाल्ने क्रममा बिहीवार तल्लो तलाको धुरी भाँचिदा गोठभित्र रहेका २ वटा गोरु समेत मरेका छन्। हिराको टाउँको, घुडा र खुट्टामा चोट लागेको जिल्ला प्रहरी कार्यालय बझाङले जनाएको छ।