एनपीएलमा अर्धशतक प्रहार गर्ने सातौं खेलाडी बने लोकेश बम

काठमाडौं । लुम्बिनी लायन्सले दिएको १९२ रनको विशाल लक्ष्य पछ्याएर जवाफी ब्याटिङमा उत्रिएका विराटनगर किंग्सका ओपनर लोकेश बमले नेपाल प्रिमियर लिगमा अर्धशत प्रहार गरेका छन् । आज भएको खेलमा लोकेशले ३६ बलमा अर्धशतक पूरा गरेका हुन् ।

लोकेश एनपीएलमा अर्धशतक प्रहार गर्ने सातौं खेलाडी बनेका छन् । उनले ३६ बलमा २ चौका र ४ छक्का प्रहार गर्दै अर्धशतक पूरा गरेका हुन् । यसअघि मार्टिन गप्टिल, लाहिरु मिलान्था, अनिल शाह, दीपेन्द्र सिंह ऐरी, रवि बोपारा, शिखर धवनले अर्धशतक प्रहार गरेका थिए ।

ताजा अवस्थामा विराटनगरले १४ ओभरमा ४ विकेट गुमाएर १२६ रन जोडेको छ । लोकेश ६३ रन जोडेर खेलिरहेका छन् ।