बाजुरामा दाउरा काट्न गएका एक पुरुष घाइते फेला

बाजुराः बाजुरामा एक पुरुष घाइते अवस्थामा फेला परेका छन्।

जिल्लाको बडीमालिका नगरपालिका–९ चौराटाका अन्दाजी ४० वर्षीय महाविरे चदारा घाइते अवस्थामा फेला परेको सूचना अधिकारी प्रहरी निरीक्षक जनकबहादुर बोहराले बताए।

उनी बडीमालिका–८ कैलाशपुर सामुदायिक वनस्थित ढम्कने खोलामा आइतवार घाइते अवस्थामा भेटिएका थिए। प्रहरीका अनुसार चदारा जंगलमा दाउरा काट्ने क्रमममा अन्दाजी १५० मिटर भिरबाट तल खसेर घाइते भएका हुन्। उनलाई जिल्ला अस्पताल बाजुराले थप उपचारका लागि धनगढीको माया मेट्रो अस्पताल रेफर गरेको छ।