ऐश्वर्य विद्या निकेतनका पूर्व प्रधानाध्यापक दोर्जे पाख्रीनप्रति शोख सभा आयोजना

धनगढी । ऐश्वर्य विद्या निकेतनका प्रथम प्रधानाध्यापक दोर्जे पाख्रीनको सम्मानमा विद्यालयले विशेष शोकसभा आयोजना गरेको छ। संस्थापक प्रधानाध्यापकको रूपमा विद्यालयको शैक्षिक विकासमा पाख्रीनले पुर्‍याएको योगदान अमूल्य रहेको स्मरण गर्दै विद्यालयले उनिप्रति शोक सभा आयोजना गर्दै श्रद्धाञ्जली अर्पण गरेको हो।

शोक सभामा विद्यालयका सहायक प्राचार्य श्री सञ्जय पन्तले कार्यक्रम सञ्चालन गरेका थिए। एक मिनेट मौन धारण गर्दै उपस्थित शिक्षक, कर्मचारी, विद्यार्थी, र अन्य व्यक्तिहरूले पाख्रीनको तस्वीरमा पुष्पाञ्जली अर्पण गरेका थिए।

शोक सभामा वि.व्य.स.का वरिष्ठ सदस्य प्रा. डा. हेमराज पन्त, ऐश्वर्य विद्या निकेतनका पूर्व प्राचार्य तथा ऐश्वर्य बहुमुखी क्याम्पसका प्रमुख धर्मदेव भट्ट, वडाध्यक्ष गजेन्द्र शाही, पूर्व प्राचार्यहरू महेश्वर पाठक, खेमराज पाण्डेय, र शिवहरी मूडभरी NAST कलेजका MD, विद्यालयका पूर्व विद्यार्थी समाजका अध्यक्ष डा. सुशील भण्डारी, तथा विद्यालयका शिक्षक, कर्मचारी र विद्यार्थीहरूको  उपस्थिति रहेको थियो।

कुशल प्रशासक, अनुशासन प्रेमी, र कर्तव्यनिष्ठ व्यक्तित्वका रूपमा परिचित पाख्रिनको निधनले विद्यालय र शैक्षिक क्षेत्रमा ठुलो क्षति पुगेको भन्दै विद्यालयले गहिरो शोक व्यक्त गरेको छ ।