काठमाडौँ – यु–१९ विश्वकपअघि सहभागी देशका कप्तानहरुले ट्रफी अनावरण गरेका छन्।

मलेसियाको चर्चित ट्विन टावरलाई ब्याग्राउन्ड बनाएर विश्वकपमा सहभागी टोलीका कप्तानहरुले फोटो सुटसमेत गरेका छन्।

प्रतियोगितामा कुल १६ टोली सहभागी रहेका छन्। प्रतियोगिता आगामी १८ जनवरीबाट सुरु हुँदै छ।

प्रतियोगितामा नेपालले १८ जनवरीमा बंगलादेशसँग खेल्दै विश्व कपको यात्रा सुरु गर्नेछ। त्यसपछि नेपालले जनवरी २० मा स्कटल्याण्ड र जनवरी २३ मा अस्ट्रेलियासँग खेल्ने छ।