सुनचाँदीको मूल्य एक हजार एक सयले बढ्यो

काठमाडौँ : अन्तर्राष्ट्रिय बजारमा सुनको मूल्य बढेसँगै स्थानीय बजारमा पनि त्यसको प्रभाव परेको छ । आज बजार खुल्दा सुनको मूल्य अघिल्लो दिनको तुलनामा प्रतितोला एक हजार एक सय रुपैयाँले बढेको छ ।

सोमबार प्रतितोला एक लाख ५७ हजार रुपैयाँमा खरिदबिक्री भएको प्रतितोला सुन आज एक लाख ५८ हजार एक सय रुपैयाँमा किनबेच हुने नेपाल सुनचाँदी व्यवसायी महासंघले जनाएको छ ।

आज चाँदी प्रतितोला १५ रुपैयाँ बढेको छ । सोमबार प्रतितोला एक हजार आठ सय ६० रुपैयाँमा खरिदबिक्री भएकामा आज एक हजार आठ सय ७५ रुपैयाँमा किनबेच भइरहेको छ ।

अन्तर्राष्ट्रिय बजारमा आज सुनको मूल्य प्रतिऔंस २४ दशमलव ५६ अमेरिकी डलर बढेर दुई हजार सात सय २७ दशमलव ७६ अमेरिकी डलर कायम भएको छ ।