कैलालीबाट लागुऔषधसहति एक जना पक्राउ

धनगढीः कैलालीबाट सात ग्राम लागुऔषधसहित एक जना पक्राउ परेका छन। जिल्लाको गोदावरी नगरपालिका–३ मालाखेती चोकमा लागुऔषधको कारोबार भइरहेको विशेष सूचनाको आधारमा प्रहरीले सात ग्रौम ४६० मिलिग्राम लागुऔषध र ९२्याब्लेट नाइट्राजेपामसहित एक जनालाई पक्राउ गरेको हो।

कञ्चनपुरको कृष्णपुर नगरपालिका–६ मौरीफाटाका २६ वर्षीय विरेन्द्र भट्टराईलाई नियन्त्रणमा लिएको छ। लागूऔषध व्युरो धनगढी र मालाखेती प्रहरीको टोलीले चेकजाँच गर्दा भट्टराईले लगाएको पाइन्टको खल्तीभित्र प्लास्टिकमा प्याक गरी लुकाइराखेको अवस्थामा ७ ग्राम ४६० मिलिग्राम खैरो हेरोइन र ९२ ट्याब्लेट नाइट्राजेपाम फेला परेको जनाएको छ।

बरामद लागुऔषधसहित पक्राउ परेका भट्टराईलाई थप अनुसन्धानका लागि इलाका प्रहरी कार्यालय मालाखेतीमा बुझाइएको छ।