कैलालीमा मोटरसाइकल दुर्घटनामा परी एक किशोर घाइते

धनगढीः कैलालीमा मोटरसाइकल दुर्घटनामा परेर एक किशोर घाइते भएका छन्।

जिल्लाको कैलारी गाउँपालिका–६ बस्ने १६ वर्षीय अमन चौधरी आफैले चलाएको सुदूरपश्चिम प्रदेश ०१००१ प ५२६९ नम्बरको मोटरसाइकल दुर्घटना हुँदा मंगलवार राति उनी घाइते भएका हुन्। सडकमा कुकुरलाई बचाउन खोज्दा मोटरसाइकल अनियन्त्रित भई दुर्घटना भएको प्रहरीले बताएको छ। घाइते अमनको निसर्ग अस्पताल धनगढीमा उपचार भइरहेको जनाइएको छ।