धनगढीमा प्रभावकारी बन्दै इसेवा, अव नयाँ स्थानबाट सेवा सुरु

कैलाली । नेपालको पहिलो र अग्रणी भुक्तानी प्रदायक कम्पनी इसेवा ली.को सेवा सुदूरपश्चिममा पनि प्रभावकारी बन्दै गइरहेको छ । यसअघि धनगढीको चौराहाबाट सेवा दिइरहेको इसेवाले ग्राहकहरूको लागि नयाँ शाखा स्थापना गर्दै थप सेवाको विस्तार गरेको छ । अहिले धनगढी बसपार्क नजिकको  भवनबाट इसेवाले सेवा विस्तार गरेको हो । 

धनगढीमा इसेवाका सम्पूर्ण सेवाहरू अब झनै सहज र सरल रूपमा उपलब्ध हुने भएको छ ।इसेवा प्रयोगकर्ताहरूले इन्टरनेट, बिजुली तथा खानेपानीको महसुल भुक्तानी, हवाई जहाज, बसको टिकट, स्कुल कलेजको शुल्क, होटेल बुकिङ, शेयर तथा डिम्याट खाता नवीकरण, इन्सोरेन्स लगायतका सम्पूर्ण इसेवामा उपलब्ध हुने जनाइएको छ ।

इसेवा क्यु आर, इ–स्पिकर लगायतका सेवाहरू समेत लिनका सकिने जनाइएको छ ।

यस नयाँ शाखाले धनगढीको डिजिटल रूपान्तरणमा महत्त्वपूर्ण भूमिका खेल्दै धनगढीवासीहरूलाई वित्तीय समावेशीकरणमा सामेल गराएर जीवन थप सहज बनाउने लक्ष्य लिएको छ । यस आयामले धनगढीमा डिजिटल भुक्तानीको नयाँ आयाम तय गर्ने इसेवा परिवारले आशा व्यक्त गरेको जनाएको छ ।