अमेरिकामा अर्को विमान दुर्घटना, ७ जनाको मृत्यु

अमेरिकामा फेरि अर्को एक विमान दुर्घटना हुँदा कम्तिमा ७ जनाको मृत्यु भएको छ । केही दिनअघि ६७ जनाको ज्यान जानेगरी दुई विमान ठोक्किएर दुर्घटना भएको थियो । 

पछिल्लो दुर्घटना पेन्सेलभेनियाको फिलाडेल्फिया शहरमा भएङ्को हो ।  एक सानो विमान दुर्घटना हुँदा सात जनाको मृत्यु र १९ जना घाइते भएको बीबीसीले उल्लेख गरेको छ । 

 विमानमा सवार ६ जना र भुइँमा रहेका  एक जनाको मृत्यु भएको हो ।  बिरामी बोकेको विमानमा दुई पाइलट, एक डाक्टर, स्वास्थ्यकर्मी, बिरामी र ती बिरामीकी आमा थिए । उनीहरु सबै मेक्सिकन नागरिक थिए ।