युवा उद्योगी तथा समाजसेवी हरी शंकर ठाकुर सम्मानित

धनगढी, २५ माघ ।
नेपाली काँग्रेस कैलालीले युवा उद्योगी तथा समाजसेवी हरी शंकर ठाकुरलाई सम्मान गरेको छ ।

शुक्रवार धनगढीमा शुरु भएको नेपाली काँग्रेस कैलालीको दोस्रो जिल्ला सम्मेलनमा युवा उद्योगी तथा समाजसेवी ठाकुरलाई सम्मान गरिएको हो ।

सम्मेलनको प्रमुख अतिथि परराष्ट्र मन्त्री डा. आरजु राणा देउवाले ठाकुरलाई कदर पत्र प्रदान गरिन् । ठाकुरको अनुपस्थितिमा उनका भाई पिताम्बर ठाकुरले कदर पत्र ग्रहण गरे ।

परराष्ट्र मन्त्री डा. राणा र नेपाली काँग्रेस कैलालीका सभापतिद्धारा हस्ताक्षरित कदर पत्रमा कैलालीको कैलारी गाउँपालिकाको हसुलियामा ४२ वर्षअघि जन्मिएका रोटरी क्लवका संस्थापक सदस्य तथा पूर्व अध्यक्ष ठाकुरलाई समाजसेवासंगै सुदूर पश्चिमको अर्थतन्त्र र रोजगारीका अवसर सृजनामा पु¥याएको योगदानको कदर गर्दै सम्मान गरिएको उल्लेख गरिएको छ ।

ठाकुर एग्रो ईण्डष्ट्रिज र ठाकुर मोटर्सका सञ्चालक समेत रहेका ठाकुर धनगढीको सबैभन्दा ठूलो करदाता हुन् । उनी नेपाल भारत मैत्री संघका केन्द्रीय उपाध्यक्ष समेत हुन् ।