संसारकै सुन्दर पुरुष बने ‘बीटीएस’ गायक भी

काठमाडौं । के-पप ब्याण्डका सदस्य भी अर्थात किम तेह्युङ ‘विश्वका सबैभन्दा सुन्दर पुरुष’ घोषित भएका छन् । टेक्नो-स्पोर्ट्सले यसवर्षका सुन्दर पुरुषको सूची सार्वजनिक गरेको छ ।

उल्लेखनीय कुरा के हो भने, गायक भीले हलिउड स्टार ब्राड पिट, बलिउड स्टार ऋतिक रोशनजस्ता विश्व मनोरञ्जन क्षेत्रका व्यक्तिलाई पनि उछिनेका छन् ।

भीको लोकप्रियता नेपालसहित विश्वब्यापी छ । जेन-जी पुस्तामा उनको क्रेज अभूतपूर्व छ । उनी एकैसाथ गायक, गीतकार र अभिनेता पनि हुन् । सन् २०१३ मा बीटीएसमा जोडिएका भीले ‘स्टिग्मा’ नामक एकल गीत पनि ल्याएका छन् ।

सूचीको दोस्रो स्थानमा हलिउड स्टार ब्राड पिट छन् । दुईपटक अस्कर अवार्ड जितेका अभिनेता पिटलाई पिपल म्यागजिनले ‘जीवित सेक्सी पुरुष’को उपाधि दिइसकेको छ । तेस्रो स्थानमा रोबर्ट प्याटिन्सन छन् जो हलिउड ब्लकबस्टर र स्वतन्त्र फिल्ममा अभिनय गरेबापत परिचित छन् ।

चौंथो स्थानमा क्यानडेली अभिनेता तथा मोडल नोह मिल्स छन् । पाँचौ स्थानमा चर्चित बलिउड अभिनेता ऋतिक रोशन छन् । छैटौंमा हालैमात्र क्यानडाको प्रधानमन्त्रीबाट राजिनामा दिएका नेता जस्टिन ट्रुडो छन् ।

त्यसपछि सूचीमा क्रमशः हलिउड अभिनेता क्रिस इभान्स, हेनरी क्याभिल, टम क्रूज, ब्राड्ली कुपर छन् । टेक्नो स्पोर्ट्सले वर्षेनी यो सूची सार्वजनिक गर्दै आएको छ ।