कैलालीमा एक स्कुलमा आगलागी

धनगढीः कैलालीमा एक स्कुलको अफिस सहित तीन स्थानमा आगलागी भएको छ।

जिल्लाको जोशीपुर गाउँपालिका–७ घैला बौनियास्थित होलिल्याण्ड पब्लिक स्कुलको अफिस लगायत तीन स्थानमा आगलागी भएको छ।  बौनियास्थित होलिल्याण्ड पब्लिक स्कुलमा तीन वटा कोठामा करेन्ट सर्ट भई सोमवार बिहान आगलागी भएको छ। उक्त आगलागीबाट भएको क्षतिको विवरण भने हाल नखुलेको प्रहरीले जनाएको छ।

यस्तै, कैलालीको धनगढी उपमहानगरपालिका–१४ सी गाउँ बस्ने निशा शाहीको गोठमा सोमवार बिहान आगलागी हुँदा गोठ पूर्णरूपमा जलेर नष्ट भएको छ। यसैगरी कैलालीको गोदावरी नगरपालिका–४ गोदावरी बस्ने ५५ वर्षीय कृष्ण मडैको गोठमा सोमवार दिउँसो आगलागी हुँदा करिब १ लाख ५० हजार रुपैयाँ बराबरको क्षति भएको जिल्ला प्रहरी कार्यालय कैलालीले जनाएको छ।