सुदूरपश्चिमको बजेट सर्वसम्मतले पारित

कैलाली। सुदूरपश्चिम प्रदेश सरकारले आगामी आर्थिक वर्ष २०८२/८३ का लागि ल्याएको बजेट सर्वसम्मतिले पारित भएको छ। बुधबार बसेको प्रदेश सभा बैठकमा बजेटमाथिको छलफल सम्पन्न भएपछि बजेटसँग सम्बन्धित विधेयक सभामुख भण्डारीले सर्वसम्मतिले पारित भएको घोषणा गरेका हुन्।

प्रदेशका आर्थिक मामिला मन्त्री थापाले १ असारमा ३३ अर्ब ४७ करोड रुपैयाँको बजेट पेश गरेका थिए। बजेटमाथि १५ गतेदेखि छलफलमा सुरु भएको थियो। सत्ता र विपक्षी दलका गरी २७ जना प्रदेश सभा सदस्यले भाग लिएका थिए।

छलफलका क्रममा अधिकांश प्रदेश सभा सदस्यहरूले योजना खरिदबिक्रीमा विचौलिया संलग्न भएको आरोप लगाउँदै त्यसबारे छानबिनका लागि संसदीय समिति गठन गर्न माग गरेका थिए।

यद्यपि बजेटको आलोचना र छानबिनको माग भइरहँदा समेत अन्ततः सत्तारुढ दलकै सदस्यहरूको समर्थनमा बजेट विधेयक सर्वसम्मतिले पारित भएको हो।