सिसन र गुँरास नानीसँगको सहकार्यमा दुर्गेशले ल्याए 'जाने भए जाम माया'

धनगढी । दुर्गेश थापाले भ्लगर सिसन बानियाँसँग सहकार्य गरेको गीत युट्युबमा सार्वजनिक गरेका छन्। बुधबार सार्वजनिक 'जाने भए जाम माया' को भिडिओमा यी दुईसँगै गुँरास नानी पनि फिचर्ड छिन्।  उनी सामाजिक सञ्जालमा चर्चामा र ट्रोल समेत हुँदै आएकी छिन्। दुर्गेश, सिसन र गुँरास नानीले सहकार्य गरेको खबरलाई लिएर केही दिनदेखि सामाजिक सञ्जालमा चर्चा भइरहेको थियो। 

गीतको शब्द, संगीत र संगीत संयोजन दुर्गेश स्वयंको हो। स्वरमा पनि दुर्गेश र सिसनले सहकार्य गरेका छन्। साथमा अल्हाजी गेरोले समेत यसमा स्वर दिएका छन्।

भिडिओमा दुर्गेश, सिसन र गुँरास नानीसँगै अन्य कलाकारहरू पनि देखिएका छन्।  शिव बि.कको कोरियोग्राफी तथा निर्देशनमा यसको भिडिओ बनेको हो। भिडिओमा हुमागाईं र टिमको छायांकन, मिलन विश्वकर्माको सम्पादन छ।